Versets bíblics populars de Yahaya 6

Comparteix

Yeesu wi'iɓe, “Min woni nyamndu kokkayndu yonki. Fuu garɗo to am fuɗɗitataa nana weelo, fuu kooliiɗoyam fuɗɗitataa nana ɗonka.

Ruuhu Allah e hokka yonki. Ɓandu naa' ɗum goɗɗum. Haala ka metanmi'on ka waɗay'on keɓon Ruuhu Allah kokkayɗum yonki.

To' on kuwan nyamndu lallayndu, ammaa kuwanee nyamndu tabbitayndu kokkayndu yonki ki re'ataa, ndu Ɓii Neɗɗo hokkata'on, ngam Allah Nyaako Mo Dow waɗaniimo alaama kollayɗum jaɓiimo.”

Ngam ko Nyaako am yiɗi woni koo moye daaruɗo Ɓiɗɗo on hooliimo heɓa yonki ki re'ataa, nden min boo mi umminaymo Nyalnde Jaango.”

Yeesu wi'iɓe, “Ko Allah yiɗi ngaɗon woni koolooɗon on ɗon mo o liloyi.”

Koo moye mo Nyaako am hokkiyam waray to am, nden fuu garɗo to am mi riiwataamo.

Siiman Biiturus wi'imo, “Moodibbo, to moye min njahata? An woodi boliiɗe kokkayɗe yonki ki re'ataa.

Min woni nyamndu kokkayndu yonki ƴiwoyndu daga dow. Fuu nyaamuɗondu, o jooɗoto haa abadaa. Ndu'u nyamndu ɗum ɓandu am, ndu kokkaymi ngam yimɓe duuniyaaru keɓa yonki ki re'ataa.”

Walaa garayɗo to am sey to Nyaako am liloyɗoyam waddiimo, min boo mi umminaymo Nyalnde Jaango.

Ngam nyamndu ndu Allah hokki woni on ɗon garoyɗo daga dow kokkoowo duuniyaaru yonki ki re'ataa.”

Min woni nyamndu kokkayndu yonki ki re'ataa.

Sey Yeesu hocci buroodi ɗum, o yetti Allah, o sendaniɗum jooɗiiɓe ɗon non no heƴataɓe. Non maa o waadi e liƴƴi ɗin. Nde fuu yimɓe ɓen nyaami kaari, o wi'i tokkuɓemo, “Kawritee ko horii, to' ɗum lallina koo seɗɗa maajum.”

Nde ɓe ngaɗi yaadu nder mbeela ngan hewti mil tati koo nayi, ɓe ngi'i Yeesu e yaha dow ndiyam ɗam e waroya to komiwal maɓɓe, kulol nangiɓe. Ammaa Yeesu wi'iɓe, “To' on kulu, ɗum min.”