Versets bíblics populars de Luka 14

Comparteix

“Garoyɗo to am fuu to ɓuraayi yiɗukiyam dow nyaako muuɗum e maduujo muuɗum e debbo muuɗum e ɓiɓɓe muuɗum e mawniraaɓe e minyiraaɓe muuɗum ‑ haa maa e yonki muuɗum, o waawataa wartuki tokkuɗoyam.

Koo moye to hoccaayi gaafaangal muuɗum tokkiyam waawataa wartuki tokkuɗoyam.

Ngam mawninɗo hoore muuɗum fuu o lesneteeɗo, lesninɗo hoore muuɗum boo o mawninteeɗo.”

Non maa, koo moye to sendiraayi e ko woodi fuu waawataa wartuki tokkuɗoyam.

Misaalu, to goɗɗo mooɗon e yiɗi mahuki wuro mango, ay arande o jooɗoto taw o lima ko o majjinta, o yi'a koo e mo woodi ko heƴatamo o yottinango. To naa' non, to o fuɗɗii mahukingo o waawataa yottinkingo, gi'uɗongo fuu jalaymo wi'a, ‘Raa neɗɗo o'o fuɗɗii mahuki, ammaa o waawaayi yottinki.’

Ammaa taa woodi humto, humputu ɓe ngalanaa, e jaraaɓe, e gurgu'en, e wumɓe. Ɗum barkiɗinte, ngam ɓe mbaawataa waatankima ko ngaɗanɗaaɓe. Allah waatante Nyalnde Jaango, nyalnde nde o umminta mayɓe gaɗuɓe jonde wooɗunde.”

“Lamɗam ɗum fii boɗɗum, ammaa to belɗum maajam ittake, ko wartirta belɗum maajam? Walaa ko ɗam waɗetee. Ɗam nafataa goɗɗum, sey ni ɗam rufee. Gooduɗo noppi nanooji fuu nana!”