Versets bíblics populars de Yauhaa 6

Comparteix

Yexu has rua puab tas, “Kuv yog cov mov pub txujsa. Tug kws lug cuag kuv yuav tsw tshaib, hab tug kws tso sab rua kuv yuav tsw nqhes dua le lawm.

Vaaj Ntsuj Plig yog tug kws pub txujsa, lub cev nqaj tawv tsw muaj qaabhau daabtsw. Tej lug kws kuv has rua mej yog Ntsuj Plig hov hab yog txujsa.

Tsw xob ua num nrhav tej mov kws txawj lwj, tassws yuav tsum nrhav tej mov kws nyob ruaj txhad tau txujsa ib txhws tsw kawg, kws Tuabneeg leej Tub yuav pub rua mej, tsua qhov Vaajtswv kws yog leej Txwv tub nas hom thawj laav nwg lawm.”

Tsua qhov kuv leej Txwv lub sab xaav le nuav, yog txhua tug kws pum leej Tub hab tso sab rua nwg yuav tau txujsa ib txhws tsw kawg hab kuv yuav tsaa tug hov caj sawv rov lug rua nub kawg.”

Yexu teb puab tas, “Vaajtswv teg num yog le nuav, yog ntseeg tug kws Vaajtswv khaiv lug.”

Txhua tug kws leej Txwv muab pub rua kuv yeej yuav lug cuag kuv. Hab tug kws lug cuag kuv, kuv yuav tsw muab laim pov tseg hlo le.

Ximoo Petu teb Yexu tas, “Tug Tswv, peb yuav moog cuag leejtwg? Koj tej lug txhad pub txujsa ib txhws tsw kawg.

Kuv yog cov mov pub txujsa kws lug sau ntuj lug. Yog leejtwg noj cov mov nuav tug hov yuav muaj txujsa nyob moog ib txhws tsw kawg. Hab cov mov kws kuv yuav pub rua lub nplajteb muaj txujsa kuj yog kuv lub cev nqaj.”

Tsw muaj leejtwg yuav lug cuag tau kuv tsuas yog leej Txwv kws khaiv kuv lug nqug nwg lug xwb, hab kuv yuav tsaa tug hov caj sawv lug rua nub kawg.

Tsua qhov Vaajtswv cov mov yog tug kws lug sau ntuj lug hab pub txujsa rua tuabneeg nplajteb.”

Kuv yog cov mov pub txujsa.

Yexu txawm muab cov ncuav hov lug mas thaus nwg ua Vaajtswv tsaug taag nwg muab faib rua cov tuabneeg kws nyob tsawg ntawd npaum le kws puab cheem tsum, hab muab cov ntseg faib ib yaam le ntawd. Thaus puab noj tsau lawm Yexu has rua cov thwjtim tas, “Ca le khaws tej kws puab noj tsw taag ca, tsw xob ca ib nyuas qho poob xuam moog.”

Thaus puab nkuam nkoj moog kwvlaam tswb rau kilu kev, puab pum Yexu moog kwtaw sau nplaim dej havtxwv saamswm tuaj ze lub nkoj. Puab ntshai kawg, tassws Yexu has rua puab tas, “Yog kuv ntaag. Tsw xob ntshai.”