Versets bíblics populars de Yauhas 1

Comparteix

Tiamsis txhua tus uas lees yuav nws, yog cov uas ntseeg nws lub npe, nws kuj pub lawv muaj feem ua Vajtswv li menyuam

Thaum chiv keeb Txojlus yeej los muaj nyob, thiab Txojlus ntawd yeej nrog Vajtswv nyob, thiab Txojlus ntawd yog Vajtswv.

Txojkev kaj ci tuaj rau hauv qhov tsaus ntuj, mas qhov tsaus ntuj kov tsis yeej txojkev kaj.

Txojlus ntawd tshwm los ua neeg thiab nyob hauv peb nruab nrab. Peb pom nws lub hwjchim, yog lub hwjchim ci ntsa iab uas phim leej Txiv tib leeg Tub, nws muaj txojkev hlub txojkev tseeb nplua mias.

Vajtswv kom Txojlus ntawd tsim txhua yam, tsis muaj ib yam dabtsi uas tsis yog Txojlus ntawd tsim tshwm los. Txojlus ntawd yog txoj hauv paus txojsia, thiab txojsia ntawd yog neeg txojkev kaj.

Hnub tom qab Yauhas pom Yexus taug kev tuaj rau ntawm nws, nws txawm hais tias, “Cia li saib Vajtswv tus menyuam yaj uas ris ntiajteb lub txim mus.

Nws nyob lub ntiajteb, thiab lub ntiajteb yog Vajtswv siv nws tsim tiamsis lub ntiajteb tsis lees paub nws. Nws los rau hauv nws teb nws chaw los nws haiv neeg tsis lees yuav nws.

Txojkev kaj tseeb uas ua rau neeg txhua tus pom kev tabtom los rau hauv lub ntiajteb.

Peb tau txoj kevcai ntawm Mauxe los, tiamsis txojkev hlub thiab txojkev tseeb yog los ntawm Yexus Khetos los.