Versets bíblics populars de Yauhas 12

Comparteix

Yog leejtwg ua koom tu kuv, nws yuav tsum raws kuv qab. Thiab kuv nyob qhovtwg, tus uas ua koom tu kuv yuav nyob qhov ntawd. Yog leejtwg ua koom tu kuv, mas leej Txiv yuav pub koob meej rau tus ntawd.

Tus uas nyiam nws txojsia yuav piam txojsia, tus uas ntxub nws txojsia hauv lub ntiajteb no yuav tuav tau txojsia mus ib txhis.

Kuv hais tseeb rau nej tias yog lub noob mog tsis poob rau hauv av thiab lwj kuj tsuas nyob tib lub xwb. Yog lwj mus, kuj yuav tuaj tawg paj txi txiv ntau.

Kuv los ua qhov kaj rau hauv lub ntiajteb xwv txhua tus uas tso siab rau kuv thiaj tsis nyob hauv qhov tsaus ntuj mus li.

Tus uas hnov kuv tej lus los tsis ua raws li, kuv tsis txiav txim rau tus ntawd, rau qhov kuv tsis yog los txiav txim rau lub ntiajteb, tiamsis yog los cawm lub ntiajteb kom dim.

Maivliag txawm muab ib nrab lib roj tsw qab uas muaj nqes heev los pleev Yexus kotaw thiab muab nws cov plaubhau so Yexus kotaw. Cov roj ntawd tsw qab thoob plaws lub tsev ntawd.

lawv txawm coj tej rev nplooj toov laj tawm mus tos nws thiab qw hais tias, “Hauxana. Tus uas tuaj hauv tus Tswv lub npe tau nyob kaj siab lug, yog Yixayee tus vajntxwv.”

Yexus teb ob tug tias, “Txog lub sijhawm uas Neeg leej Tub yuav tau koob meej ci ntsa iab.