Versets bíblics populars de Yauhas 15

Comparteix

Kuv yog lub hauv paus txiv hmab, nej yog cov ceg. Tus uas nyob ruaj rau hauv kuv thiab kuv nyob hauv nws, tus ntawd yuav txi txiv ntau. Yog nej ncaim ntawm kuv lawm nej yuav ua tsis tau ib yam dabtsi li.

Nej cia li nyob ruaj rau hauv kuv thiab kuv yuav nyob rau hauv nej. Tus ceg uas nyob ib cag yuav txi txiv tsis tau, tsuas yog koom lub hauv paus thiaj txi tau. Nej kuj ib yam nkaus, yog nej tsis nyob ruaj rau hauv kuv, nej yuav txi txiv tsis tau.

“Yog nej nyob ruaj rau hauv kuv thiab kuv tej lus nyob ruaj hauv nej lawm, nej cia li thov yam twg uas nej xav yuav mas nej yuav tau yam ntawd.

Nej tsis tau xaiv kuv tiamsis kuv xaiv nej thiab tsa nej kom mus tawg paj txi txiv thiab ua rau tej txiv ntawd yuav nyob mus li, kom thaum nej tuav kuv lub npe thov ib yam dabtsi ntawm leej Txiv, nws thiaj pub yam ntawd rau nej.

Tsis muaj txojkev hlub loj dhau txoj no lawm, yog qhov uas ib tug tso txojsia this nws cov kwvluag.

Txhua ceg hauv kuv uas tsis txi txiv nws yuav muab txiav pov tseg, thiab txhua ceg uas txi txiv nws yuav muab tav kom yimhuab txi ntau heev.

“Kuv nkaw lus tseg rau nej tias nej ib leeg yuav tsum hlub ib leeg ib yam li kuv hlub nej.

Yog nej tawg paj txi txiv ntau thiaj ua kuv li thwjtim, qhov ntawd yuav ua rau kuv leej Txiv tau koob meej.

“Kuv yog tsob tseem txiv hmab, thiab kuv leej Txiv yog tus uas tu.

Yog leejtwg tsis nyob ruaj rau hauv kuv, tus ntawd yuav raug muab txiav pov tseg ib yam li tej ceg thiab yuav qhuav tag. Tej ceg ntawd yuav raug muab sau mus pov rau hauv hluavtaws hlawv kub hnyiab tag.

Kuv hais tej no rau nej lawm xwv kuv txojkev xyiv fab thiaj nyob hauv nej thiab nej thiaj muaj txojkev xyiv fab puv npo.

Yog nej tuav rawv kuv tej lus nkaw nej kuj nyob ruaj rau hauv kuv txojkev hlub ib yam li kuv tuav rawv kuv Txiv tej lus nkaw thiab nyob ruaj hauv nws txojkev hlub.

Tej uas kuv nkaw lus tseg rau nej no yog qhov uas ib leeg yuav tsum hlub ib leeg.

Yog nej ua neeg ntiajteb, lub ntiajteb yeej yuav hlub cov uas yog ntiajteb li. Vim nej tsis yog neeg ntiajteb, rau qhov kuv twb xaiv nej tawm hauv lub ntiajteb lawm, vim li no lub ntiajteb thiaj ntxub nej.