Versets bíblics populars de Luka 6

Comparteix

Cia li pub rau luag, mas nej thiaj li tau txais. Nej yuav tau txais co ceev nias puv nkaus thoob phwj yos rau hauv nej lub xubntiag. Nej muab lub thoob twg luj rau luag, yuav muab lub thoob ntawd luj rov rau nej ib yam nkaus.”

Tus neeg zoo yeej muab yam zoo uas muaj nyob hauv nws lub siab los txi txiv zoo, tus neeg phem yeej muab yam phem uas muaj nyob hauv nws los txi txiv phem. Rau qhov lub qhov ncauj yeej hais tej uas muaj puv nkaus hauv lub siab tawm los.

Tiamsis nej yuav tsum hlub nej cov yeeb ncuab thiab ua zoo rau lawv thiab qev txais tsis txhob vam tias yuav tau rov qab, mas nej thiaj yuav tau nqe zog ntau thiab nej yuav ua tau Vajtswv uas loj dua ntais li tub, rau qhov nws yeej ua siab dav rau tus uas mom txiaj mom ntsig thiab siab phem.

Nej yuav tsum khuvleej luag ib yam li nej leej Txiv khuvleej.

“Nej tsis txhob txiav txim rau luag nej thiaj tsis raug txiav txim. Tsis txhob rau txim rau luag nej thiaj tsis raug rau txim. Cia li zam txim rau luag mas nej thiaj tau txais kev zam txim.

“Tiamsis kuv hais rau nej cov uas mloog kuv tias, nej yuav tsum hlub nej cov yeeb ncuab thiab ua zoo rau cov uas ntxub nej, thiab thov Vajtswv foom koob hmoov rau cov uas tsawm foom nej thiab thov Vajtswv pab cov uas ua phem rau nej.

Nej xav kom lwm tus ua li cas rau nej, nej cia li ua ib yam li ntawd rau lwm tus.

Leejtwg ntaus koj ib sab plhu, cia li tig sab tod rau nws ntaus thiab. Leejtwg txeeb koj lub tsho ntev mus, cia li kam muab koj lub tsho sab hauv rau nws thiab. Cia li pub rau txhua tus uas thov koj. Yog leejtwg txeeb koj ib yam dabtsi mus lawm, tsis txhob muab thim rov los.

“Tsob ntoo zoo yeej tsis txi cov txiv phem, tsob ntoo phem yeej tsis txi cov txiv zoo.

Yuav paub txhua tsob ntoo ntawm cov txiv, rau qhov yeej tsis de txiv cev ntawm tsob ntoo pos kaus ntsaj lossis de txiv hmab ntawm tsob pos kaus ntsim.