Versets bíblics populars de Luka 9

Comparteix

Thiab Yexus hais rau lawv txhua tus tias, “Yog leejtwg xav raws kuv qab mus, cia tus ntawd tswj nws tus kheej thiab niaj hnub kwv nws tus khaublig ntoo raws kuv qab.

Vim tias tus uas xav cawm tau nws txojsia yuav piam txojsia, tiamsis tus uas tso nws txojsia tseg vim yog saib rau kuv, mas yuav cawm tau nws txojsia.

Yexus hais rau nws tias, “Tsis muaj leejtwg tuav tus khais lawm tseem tig ntsia tom qab es yuav tsim nyog rau Vajtswv lub tebchaws.”

Yog leejtwg tau tag nrho lub ntiajteb huvsi tiamsis muab nws tus kheej rhuav tshem puam tsuaj tag lawm, tus ntawd yuav tau qabhau dabtsi?

Leejtwg txaj muag rau kuv thiab kuv tej lus ces thaum Neeg leej Tub nrog nws lub hwjchim ci ntsa iab thiab nrog leej txiv thiab cov tubtxib saum ntuj uas dawb huv lub hwjchim ua ke los, nws yuav txaj muag rau tus ntawd.

Yexus hais rau nws tias, “Tej hma tseem muaj qhov nkaum thiab tej nas noog saum nruab ntug tseem muaj zes, tiamsis Neeg leej Tub tsis muaj lub chaw rau ncoo.”

mas hais rau lawv tias, “Leejtwg lees yuav tus menyuam yaus no vim yog saib rau kuv lub npe, kuj yog tus ntawd lees yuav kuv. Thiab tus uas lees yuav kuv kuj yog lees yuav tus uas txib kuv los thiab. Tus uas me kawg nkaus hauv nej cov sawvdaws yog tus loj.”