Versets bíblics populars de Aposel 2

Comparteix

Petrus nu ndek nane saniŋgina: Tane ŋgamuŋgal biye mbilmba taŋgine maŋau ŋaigonu kusreka Yesus Kristus ndoŋ ulendika kule pisne tap. Tane taŋawap le Kuate nu tane tuku une ŋakmba sauka gilaiŋga Tukul Guwa tiŋgamŋgat.

nane mara mindek aposel kame tuku wam pagu pasa ismba nane wamdus ulendi tuma isukusmba pasa nyumba Kuate yabaŋmba minnaig.

Tukul Guwa nu nane ŋakmba mbol kumuŋgina le nane ndek pasa kuale gilai ta sake lika minnaig.

Minnaig le samba mbolŋge fudu suŋgo ande bubre suk ndeka prona sulumba wande minnaig ta fudu suŋgo ta kumuŋgina. Kile agaŋ ande pa mane suk deŋpur-deŋpurka nane ŋakmba mbol kine likina le kaŋgernaig. Tukul Guwa nu nane ŋakmba mbol kumuŋgina le nane ndek pasa kuale gilai ta sake lika minnaig.

Mara mindek nane kusem wande suŋgo sinam taŋge maŋgurka naŋgine wande yimyam mbolŋge tuma isukusmba gare-gareka wamdus bulok ŋak ulendi minanu. Nane taŋamba Kuate tuku nyu te-duŋga minanu le taŋgo pino ŋakmba nane tuku saka minanu. Mara mindek Kuate nu afu tuku muskil kile-tidiŋganu le nane ka Yesus tuku kuasmbi ndoŋ ulendikanu.

Kuate nu sakate. Kilke kugawam tuku ait patukuwa le ye yiŋe Guwa kilke mbol mbal niŋgamŋgit. Taŋawi le tane tuku kiŋo kulim kame Tukul Guwaŋge pasa saniŋguwa le ismba kile-mayokkamŋgaig. Tane tuku taŋgo mo nane kiŋatanu suk agaŋ kaŋgerkamŋgaig. Tane tuku saibo nane kinymba kiŋa alo ŋak kaŋgerkamŋgaig.

Nane son ŋginaig mbal ŋakmba tuma minmba naŋgine agaŋ ndende muŋgu ŋgail ŋgail ndakinaig. Nane afu agaŋ denkanu ta naŋgine ŋgamukok agaŋ ta kilmba piyamba ndametiŋ tambi nane turkanu.

Ima nu Suŋgoŋge turwa ŋga wikuwa ta ye nu tuku muskil te-tiwe tambimŋgit. Yoel nu taŋamba Kuate tuku pasa kuyarna ŋga saniŋgina.

Ye Suŋgo, ye luka prowam tuku ait pro ndawa le tane katewam tuku ye samba mbolŋge kilke mbolŋge wam kitek saŋgrinu kile-mayokkamŋgit. Samba mbolŋge ki bulu kugamba dabuka tambun ndare suk gurnuŋgat. Kilke mbolŋge ndare pa suŋgo pa guwa dabuknu mayok ke likamŋgaig. Tane wam ŋakmba ta kaŋgerka piriri ŋayowamŋgaig.