Versets bíblics populars de ယူဝ်း 4

Comparteix

ၽြႃးပဵၼ်ၸဝ်ႈ​ပဵၼ်​ဝိၺိၺ်ႇ​ၸဝ်ႈ​ဢေႃႈ။ ၶဝ်​ၸိူဝ်း​ဢၼ်​ၵူဝ်းၵႂၢႆႇ​မၼ်းၸဝ်ႈ​ၼၼ်ႉ၊တၵ်း​လႆႈ​ပႃး​တင်း​ၸႂ်ဝိၺိၺ်ႇ​တင်း​သဵတ်ႈၸႃႇ​တြႃး​လႄႈ​ၵူဝ်းၵႂၢႆႇ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၼႂ်းဝႃႈၼၼ်​သေၵေႃႈ၊ၶိင်ႇ​ဢၼ်​ၵူၼ်း​ၸိူဝ်း​ဢၼ်​ၸၢင်ႈ​ၵူဝ်းၵႂၢႆႇ​ၸိုဝ်ႈ​ၸိုဝ်ႈၸႂ်ႈ​ၸႂ်ႈ​တင်းလၢႆ၊တၵ်း​ပႃး​တင်း​ၸႂ်ဝိၺိၺ်ႇ​တင်း​သဵတ်ႈၸႃႇ​တြႃး​လႄႈ ၵူဝ်းၵႂၢႆႇ​ပေႃႈၸဝ်ႈ​ၼၼ်ႉ​ၸမ်​မႃး​ယဝ်ႉ၊တေႃႈလဵဝ်​ၼႆႉ​ၵေႃႈ​ၶိင်ႇၵႃႇလႃႉ​ၼၼ်ႉ​ႁွတ်ႈမႃး​ယဝ်ႉ။ လွင်ႈ​မၼ်း​ၸမ်ႉ၊ပေႃႈၸဝ်ႈ​ႁႃ​ဢဝ်​ၵေႃႉ​ၸိူဝ်ႉ​ၼင်ႇ​ၼၼ်​ႁႂ်ႈ​ၵူဝ်းၵႂၢႆႇ​မၼ်းၸဝ်ႈ​ဢေႃႈ။

ၵေႃႉ​ဢၼ်​ၵိၼ်​ၼမ်ႉ​ဢၼ်​ၵဝ်​တၵ်း​ပၼ်​ၼႆႉ​ၼၼ်ႉ​ၸမ်ႉ၊တၵ်း​ဢမ်ႇ​ၶိုၼ်း​တွင်ႉမႆႈ​ၼမ်ႉ​ထႅင်ႈ​သေပွၵ်ႈ။ ၼမ်ႉ​ဢၼ်​ၵဝ်​တၵ်း​ပၼ်​ၼႆႉ၊ၵႃႈတီႈ​တူဝ်​ၵေႃႉ​ၼၼ်ႉ တၵ်း​ပဵၼ်​ၼမ်ႉ​ဢၼ်​ပုၼ်း​ဢွၵ်ႇ​ယူႇ၊ပုၼ်ႈ​လွင်ႈ​ၼင်ႇ​ႁိုဝ်​တၵ်း​ပဵၼ်​ထႃႇဝရႃႉ​ဢသၢၵ်ႈ​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ သမ်ႉ​လၢတ်ႈ​လႄႈ​ဝႃႈ၊ “ပေႃး​မႂ်း​ႁု​လွင်ႈ​ဢၼ်​ၽြႃးပဵၼ်ၸဝ်ႈ​ပၼ်​ၵျေးၸူး​ဢၼ်​လႂ်၊ဢိၵ်ႇတင်း​ၵေႃႉ​ဢၼ်​ယွၼ်းၵိၼ်​ၼမ်ႉ​တီႈ​မႂ်း​ၼႆႉ၊ပဵၼ်​ၽူႈလႂ်​ၸိုင်၊မႂ်း​တေ​ယွၼ်း​တီႈ​မၼ်း​လႄႈ မၼ်း​ၵေႃႈ​တၵ်း​ပၼ်​ၼမ်ႉ​ဢသၢၵ်ႈ​တီႈ​မႂ်း​ဢေႃႈ၊” ဝႃႈ​ၼင်ႇ​ၼႆ​ဢေႃႈ။

ၸဝ်ႈ​ယေႇသု၊ ၸင်ႇ​လၢတ်ႈ​တီႈ​ၶဝ်​လႄႈ​ဝႃႈ၊ “တၢင်းၵိၼ်​ၼႆႉ​ပဵၼ်​တၢင်း​ဢၼ်​ႁဵတ်း​ၸွမ်း​ဢလူဝ်ႇ​ၸဝ်ႈ​ဢၼ်​ပွႆႇၸႂ်ႉ​ၵဝ်​မႃး​ၼၼ်ႉ၊ဢိၵ်ႇတင်း​တၢင်း​ဢၼ်​ႁဵတ်း​ႁႂ်ႈ​ၵၢၼ်ငၢၼ်း​ဢၼ်​မၼ်းၸဝ်ႈ​ၸႂ်ႉ​ႁႂ်ႈ​ႁဵတ်း​ၼၼ်ႉ​ယဝ်ႉ​တူဝ်ႈ​ဢေႃႈ။

မႄႈယိင်း​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ “ၸဝ်ႈ။ တီႈ​ၸဝ်ႈႁဝ်း​ၼႆႉ၊ယင်း​ဢမ်ႇ​မီး​ၵႃႈသင်​ပုၼ်ႈတႃႇ​တေ​တၵ်း​ၼမ်ႉ။ ၼမ်ႉမေႃႇ​ၼႆႉ​ၵေႃႈ​လိုၵ်ႉ​ၼႃႇ​ဢေႃႈ။ တေ​ဢဝ်​ၼမ်ႉ​ဢသၢၵ်ႈ​ၵႃႈတီႈလႂ်​မႃး​လႆႈ​ၶႃႈ။

မႄႈယိင်း​ၼၼ်ႉ​ၵေႃႈ​ဝႃႈ၊ “ ၸဝ်ႈ​မေႇသိ၊ ဢၼ်​ဝႃႈ၊ ၸဝ်ႈ​ၶရိၸ်ႈ၊ တၵ်း​မႃး​ၼၼ်ႉ၊ဝႃႈၼႆ​ၵဝ်ၶႃႈ​ႁု​ယူႇ​ဢေႃႈ။ မိူဝ်ႈ​ဢၼ်​မၼ်းၸဝ်ႈ​ႁွတ်ႈမႃး​ၼၼ်ႉ​ၸိုင်၊မၼ်းၸဝ်ႈ​တၵ်း​ႁဵတ်း​ၼႄ​လွင်ႈတၢင်း​တင်းသဵင်ႈတင်းလူင်​တီႈ​ႁဝ်းၶႃႈ၊ၶႃႈ​ဢေႃႈ၊” ဝႃႈ​ၼင်ႇ​ၼႆ​လႄႈ။ ၸဝ်ႈ​ယေႇသု၊ ၶိုၼ်း​လၢတ်ႈ​လႄႈ​ဝႃႈ၊ “ၵဝ်​ဢၼ်​လၢတ်ႈ​တေႃႇ​ၵၼ်​တင်း​မႂ်း​ယူႇ​ၼႆႉ၊ပဵၼ်​ ၸဝ်ႈ​မေႇသိ၊ ၼၼ်ႉ​ယဝ်ႉ၊” ဝႃႈ​ၼင်ႇ​ၼႆ​ဢေႃႈ။

“မႃး​လႄႈ​တူၺ်း​ၵေႃႉ​ဢၼ်​ၽုၺ်ႇဢွၵ်ႇ​ၼႄပျႃး​လွင်ႈတၢင်း​ၵႃႈ​ဢၼ်​ၵဝ်ၶႃႈ​ႁဵတ်း​မႅၼ်ႈ​မႃး​ယဝ်ႉ​တင်းသဵင်ႈတင်းလူင်​ၼၼ်ႉ​တႃႉ။ ၸဝ်ႈ​ၼၼ်ႉ​ပဵၼ်​ ၸဝ်ႈ​ၶရိၸ်ႈ၊ ၸွင်ႇ​ပဵၼ်​လႆႈ​ၶႃႈ​ႁိုဝ်း၊” ဝႃႈ​ၼင်ႇ​ၼႆ​ဢေႃႈ။