Versets bíblics populars de Juan 3

Comparteix

“Su kayi ebpuun te rekelà ne limù te Eleteala rut te langun ne menge etew kayi te ampew te dunya ne warà din ingkenuhuni ke budtung ne anak din, ugaid ne midsuhù din te ebpatey riyà te pinebelavag ne kayu su apey langun te ebperetiyaya kandin ne kenà edusaan te Eleteala ugaid ne ebpeketelimà dan te umur ne warà edtemanan din.

Su iyan kinesuhù te Eleteala rut te Anak din kayi te ampew te dunya su apey kenà edusaan ke menge etew, ugaid ne apey ran igkepeliyu.

Migkahi si Hisus te, “Sebenarvenar ini se igkahi ku keykew te warà senge etew rà ne ebpekelusud diyà te Edetuan te Eleteala embiya kenà sikandin edsaup pà ebpeanak.”

“Ne misan engkey ne mibperetiyaya rut te Anak te Eleteala ne kenà en egkesuhat te kedusa te Eleteala, ugaid ne langun ne warà mebperetiyaya kandin ne insivey en te Eleteala ne edusaan su warà dan medtelimà ki Hisus ke budtung ne Anak te Eleteala.

Iyan kedusa te Eleteala te menge etew su nekeuma en kayi te ampew te dunya si Hisus ke ed-ingaranan te Kerayag su ebpekerayag dut te itungan te langun ne menusiyà, ugaid ne iyan dan midtumù ke kerusireman tumin dè be dut te rayag su meraat ke ulaula ran.

Ketà be ne ebpekeiseg pà se bentuhan ni Hisus, ugaid ne siaken ne ebpekeembavà.”

Ne misan engkey en ne etew ne ed-ulaula te meraat ne kenà egkesuat te merayag wey kenà dan ed-uvey te merayag su apey kenà egkepayahan ke ulaula ran ne meraat.

Ne langun ne ebperetiyaya dut te Anak te Eleteala ne egkevehayan te umur ne warà edtemanan din; ugaid ne langun ne kenà ebperetiyaya dut te Anak te Eleteala ne kenà egkevehayan te umur ne warà edtemanan din, nasì pà te iyan igkevehey kandan ke kedusai te Eleteala te warà edtemanan din.

“Rengan te kemulu pà ensi Moises diyà te tanà ne kenà egkeubpaan te etew,” ke si Hisus, “ne ruen mibeelan din ne uled ne galang ne intampak din diyà te kayu ne intunggul rin. Na,” ke si Hisus, “diyà te keuhetan din ne hewii ne ibpeketunggul dema ini se Impeanak te Menusiyà.

Su igkelimù nevenar te Eleteala ini se anak din ne midsuhù din, ne imbehey rin kandin ke gehem te ebayàbayà te langun taman.