Versets bíblics populars de Lucas 16

Comparteix

—Chi tꞌãri jĩpꞌa bɨpa netꞌaa chokꞌara–ee iru bɨ pɨjida, awaraarãmaa teeru pɨrã, aukꞌa teepariitꞌee netꞌaa chokꞌara iru bakꞌãri. Jõdee chi kꞌũrayaa bɨpa teeamaa bɨ pɨrã netꞌaa chokꞌara–ee iru bɨdepema, aukꞌa teeamaa bapariitꞌee netꞌaara iru bakꞌãri.

ʼEperã chipariirã omé jua ekꞌari mimia baikꞌaraa bɨ. Mãga bɨ pɨrã, chipari aba kꞌĩra unuamaa iru bai mãikꞌaapa chi apema kꞌinia iru bai, maa–e pɨrã abaapa jara bɨkꞌa ooi mãikꞌaapa chi apemapa jara bɨkꞌa ooamaa bai. Mãga pɨkꞌa apidaapa ooda–e pai Tachi Akꞌõrepa jara bɨkꞌa; pꞌaratꞌa, netꞌaa pia pꞌe bɨ misa.

Mapa parã tꞌãri jĩpꞌa pꞌanada–e pɨrã na pꞌekꞌau eujãdepema netꞌaa, pꞌaratꞌa ome, ¿kꞌaipa ɨtꞌaripema netꞌaa parã jua ekꞌari bɨima? Ichiaba na pꞌekꞌau eujãde pꞌanɨde chĩara netꞌaa tꞌãri jĩpꞌa akꞌɨda–e pɨrã, ¿kꞌaipa parãmaa ɨtꞌaripema netꞌaa pia teeima?

Mamĩda Abrahampa mãgaji ma pꞌaratꞌara badamaa: “Moisepa pꞌãda mãikꞌaapa Akꞌõre pedee jarapataarãpa pꞌãdapꞌedaa ũri kꞌiniada–e pꞌanɨ pɨrã, ichiaba ijãada–e paitꞌee eperã piuda pꞌirabaipꞌeda, wãru pɨjida ãramaa jarade.”

—Eperãpa ichi wẽra amaatꞌaaru pɨrã mãikꞌaapa miakꞌãiru pɨrã awaraa ome, pꞌekꞌau oomaa bɨ Tachi Akꞌõre kꞌĩrapite. Ichiaba eperã miakꞌãiru pɨrã wẽra amaatꞌaada ome, pꞌekꞌau oomaa bɨ Tachi Akꞌõre kꞌĩrapite.