Versets bíblics populars de Matiyo 11

Comparteix

“Pagdood kamo kanak, yang kariko mayo na kyakapoyan aw kyakabugatan kay antak makapagpatana kamo.

Tarimaa mayo yang mga sogowan ko aw pangagadi mayo yang indowan ko. Ansinyan akaonan kamo ng kalinaw sa suud ng pangatayan mayo kay ako maloyanun aw masabar.

Kay yang indowan ko masayun pangagadan aw dili ng mairap yang apainang ko kamayo.”

Ansinyan yagalaong si Isa sang mga otaw, “Yang kariko ng mga butang yatag kanak ng kanak Ama. Way ikilaa kanak yatabiya yang kanak Ama. Aw way oman ikilaa sang kanak Ama yatabiya ako na Anak nan kipat sidtong mga otaw na pipili ko na makakilaa kanan.

Tyomobag si Isa, “Barik da kamo adto kang Yahiya aw paglaonga yan daw ono yang dyudungug aw kikita mayo. Paglaonga mayo yan na yang mga bota yakakita da, yang mga sadi yakapanaw da, aw yang mga sanglaun yamadyaw da. Yang mga bungul yakadungug da, yang mga patay yamabowi da oman aw yang Madyaw na Gogodanun yamapayapat da adto sang mga miskinan.

Kamo na yamaningug, paningugi mayo ng madyaw yang pyagalaong ko kamayo.