Versets bíblics populars de Nsaŋ 6

Comparteix

Mí Yeesu dimul nda aa: «Ya, ɲɛdiaa cindaa ya co ni. Vana hin pɛ o ya lo, yima nɛi ndu lɔ́ɔ́-lɔ́ɔ̀ le, vana laalan ya pɛ, kolɔɔ bii ndu lɔ́ɔ́-lɔ́ɔ̀ le.

Kɔl Hala-o ke vana yoomoo ni. Diallon nɛŋi mako kɛ́-kɛ̀ le. Kɔl Hala-o a yoomoo sɔɔn ya dimul niaa-on co ni.

La fafala le ɲɛdiaa nɔla mò tambu-o le, kɛ la fafala le ɲɛdiaa tembu loo, o tosa mi vana va yoomu le fɛɛn a fɛɛn-ndo, o Po vanacieo kenin niaa-o, kani ndu Hala Fuɲaa sui pondale ndɔlen ni.»

Hɛnan Fuɲa nuu co kon ni, maa vannda kpow a mulul Poo hɔlla, mà laalan ndu, mà sɔla cinda fɛɛn-fɛɛndo. Ya yɛ, i minginin nda yoomu fulaa vanvílɛ́iya tɛɛn o paale mɛɛlaa len.»

Mí Yeesu mulul nda aa: «Baala Hala-o co ni, mì la laalan vana o vem-ndo.»

Vanaa kɛ́-kɛ̀ Pua ke ya pɛ, nda hunnin o ya lo, i solinin vɛlɛ vana hin o ya lo-o o dio le

Mí Simɔn Piɛr mulul ndu aa: «Maalii, o nɛ̀ɛ̀ lo naa n kɔa yɛnin? Nɔm nɔ sɔɔn yoomu fɛɛn-fɛɛnndon ni.

Ya, ya co ɲɛdiaa kiyɛi tol fulaa o halataala-o ni. Te vanndo de pɛ ɲɛdiaa kon, o vanin yoomu le fɛɛn a fɛɛn. Ɲɛdiaa ya yɔngunin-ndo, ndu co dialun nun ni, haliko mi ceendo va yoomu.»

Vana-vana nɔla hunɔɔ o ya lo le, fɔ mì Pua sim vana kon laci, i tindinin ndu fulaa vanvílɛ́iya tɛɛn o paale mɛɛlaa len.

Kani ɲɛdiaa Hala-o, ndu co o fula o halataala mó ke ceendo cindaa-o ni.»

Ya, ya co ɲɛdiaa cindaa ni.

Mí Yeesu cua bululan, mó mal balikaa, mó piɔw vanaa va lon-nda lan. Mó tosa vɛlɛ lende a suwva. Ndáà pumndo, mó dimul kaandeŋaa ndɔa aa: «La mɔɔsiaa bulula bingi-bingila lo lan, haliko ɲɛ-ɲɛ tambu le.»

Ndáà kɔlan o mɛnndan coo le kilola ŋuɛɛnu, te kon te kilola ŋɔmpum, má ca Yeesu hunɔɔ a ba dɛ̀ndɔ̀ɔ́ va-o o mɛnndan coo, mí siòònde bii nda. Kɛ mí Yeesu dimul nda aa: «Siòòŋii bii niaa le!»