Versets bíblics populars de Gen 24

Comparteix

Nipo mundu jula ŵapopesile kuti, “Conde, AMBUJE Mlungu jwa ambuje ŵangu Abulahamu, ngwaŵenda kuti ambe upile une lelo, soni ŵalosye ambuje ŵangu Abulahamu cinonyelo cawo cangamala.

Uneji tinamŵende mwali jwine kuti, ‘Conde mtule lulo lwenu kuti mwe nawo mesi.’ Mwalijo naga akukunda ni kusalila uneji kuti, ‘Aga mesi amwe, tinasipe soni ngamila syawo mesi kuti simwe,’ jwelejo aŵe mwali jwamsagwile ŵalakwe AMBUJE, kuti alombedwe ni jwakutumicila jwawo Isaki. Naga yeleyi yitendekwe mpela mumbecetelemu, une timanyilile kuti ŵalakwe kweli alosisye cinonyelo cawo cangamala kwa ambuje ŵangu Abulahamu.”

Isaki ŵamjigele Labeka kuŵa ŵamkwakwe, ŵajinjile najo mu tenti jakwe, jele kala ŵatamaga Sala mamagwe mkinawe. Isaki ŵamnonyele Labekajo mnope. Myoyo mtima wa Isaki wuwagumbele ni canasa ligongo lya ciwa ca mama ŵawo, ŵatulele ligongo lyakulombela Labeka.

Nipo ŵampele upile Labekajo pakusala maloŵe gakuti: “M'mwe Labeka, Mlungu ampe upile kuti mkaŵe nangolo jwa ŵandu ŵajinji. Yisukulu yenu yikasumule misinda ja amagongo ŵawo.”

Ngusaka kuti mlumbile mu lina lya AMBUJE, Mlungu jwa cilambo ca kwinani ni cilambo capasi, kuti ngasimumjigalila jwamkongwe mwanace jwanguju jwakuti alombele, kutyocela mwa ŵanace ŵacakongwe ŵa ku Kenani ŵangutama nawo akunoŵa, nambo kuti timjawule kumangwetu kwa acalongo acimjangu, ni mkamjigale jwamkongwe jwakuti alombedwe ni mwanace jwangu Isaki.”