Versets bíblics populars de Luka 3

Comparteix

Waatoo kaŋ borey kul koy i ma ngi batize, waatoo din da no Isa batizandi. Kaŋ a ga Irkoy ŋaaray, beenaa feeri, de Hundi Henanantaa tee sanda tuuzun alhaali ka zunbu a boŋ. Jinde foo hun beenaa ra ka nee: «Ni ti agay Izʼaroo, ay baakaa, ni ti ay ɲaaloo.»

A nʼi zaabi ka nee i kul se: «Agay, hari nda ay ga war batize. Amma boro foo ga kaa kaŋ hinoo bisa ay wanoo, de mo ay si hima nda ka nga taamey karfey feeri. Nga, a ga war batize Hundi Henanantaa ra nda nuune.

Wa teegoyyaŋ tee kaŋ ga cebe kaŋ war tuubi. War masi cindi de ka nee war boŋ se: ‹Ibirahima ti ir baabaa›, zama ay ga war bayrandi kaŋ ba tondey wey, Irkoy ga hin ka hundi daŋ i ra kʼi tee Ibirahima se izeyaŋ.

Aywa, daašoo soolu ka tuuroo dunbu hala linjoo ga. Tuuri kul kaŋ si ize henna tee ga dunbandi ka warrandi nuune ra.»

A ga tee sanda takaa kaŋ nda a hantumandi annabi Ezayi citaaboo ra: «Jinde foo ga kaati saajoo ra ka nee: ‹Wa ir Koyoo fondaa soolu, wa nga lolawey šerrandi. Goorey kul ga daabandi. Tondi hondey nda tondey kul ga yee ganda. Fondo golbantey ga šerre. Fondo laaley ga kani. Hundikoyni kul ga dii hallasiroo kaŋ hun Irkoy do.›»