Versets bíblics populars de Yaolhaq 4

Comparteix

Miqyail neq, aqhaqlal ngaol. Al heel ngel-i mail, aivq bhai uqhuq khal thaoq nail tsaol-aq juq neq, aqhaqlal lavqkhoel khi, saljial ivq nail neema aol nail lavqkhoel nee, uqhuq ya thaoq nail ngaol” dai, ge bhiq-a nail ngaol.

Miqyail bhai mal dil uqhuq thaoq nail tsaol-aq juq neq, aqhaqlal lavqkhoel khi, saljial ivq nail neema aol nail lavqkhoel nee, uqhuq thaoq nail yanq kev lee nail ngaol. Niil aq-il iqsanl, kev lee-aoq nail ngaol. Khul khi mail dai ngal-aq neq, Aqbhu Miqyail neq, aivq bhai al hai uqhuq thaoq nail tsaol-aq bhai oil movq nail ngaol.

Thail hai ngaol-aoq, ngaq-i bhi daol nail ulcuvq khal daol nail tsaol-aq, ulcuvq teevq thal-iq, maq moevqlal yaoq-aol. Ngaq-i bhi daol nail ulcuvq al, tsaol-aq al gaq nail lavqkhoel bhai nqmaq maqluv halyeel doevq nail phaq dov lee nail ulcuvq laol bev pevq lal nail ngaol” dai, aivq bhai ge bhiq-a nail ngaol.

Yeiqsul ge nail: “Miqyail-i mail bivq-ai leevq-a nail kovpavq khi mail naoq bhai ulcuvq hal daol nail gaq bhai, naol heeq nia-ail nul neq, naol aivq bhai ulcuvq hal daol naol. Aivq iqsanl, naoq bhai doevq nail ulcuvq bhi daol lavq naol” dai, ge bhiq-a nail ngaol.

Yeiqsul ge nail: “Ngaq bhai khoel-ai leevq-a nail gaq neema tsaq dai nl khi, aivq nail ganl nl gil-a nail niil neq, ngaq nail jaq nail phaq ngaol.

Yaqmai-aq al gaq ge nail: “Heeqphaq-ol, naol ulcuvq keivq dov nail teevq phaq ail maq aol nail nee ovqtavq, lovduq niil duq neq, navq dee dee nail ngaol. Naol doevq nail ulcuvq khaq bha keivq ail nail-aiq.

Yaqmai-aq al gaq ge nail: “Meiqsilya lee naol dai, ngal heeq kivq naol. Aivq lee kev-u phao, nv juq bhai yaoq phaq yaoq-ao nee cavq lavq naol” dai, ge bhiq-a nail ngaol. Meiqsilya dai ge nail neq, Khali bhai ge nail ngaol. “Naoq-ai nee mail daoq ge tsaoq thail thaiq nail ngal neq, Meiqsilya ngaol” dai, Yeiqsul aivq bhai ge bhiq-a nail ngaol.

Yaqmai-aq al gaq, aivq nail miltsaq iqlaoq bavq thaq ail ceevq khi, meenq bhai kovq lai-a nail ngaol. “Ngaq-i mail khal nl jel lavq-a nail iqsanl bhai gedaiq lavq-a nail gaq bhai hel daiq lee yaoq. Aivq neq, Khali ngel ail meeq” dai, meenq bhai jaol nail tsaol-aq juq bhai ge bhiq lai-a nail ngaol.