Versets bíblics populars de Lulkavq 9

Comparteix

Al ovqtavq, Yeiqsul aqyu juq bhai ge bhiq-a nail: “Tsaol-aq teevq gaq, ngaq nail haoqnao tsao thel lavq movq haq neq, yovqgavq nail neekhaol ya khaonq ha ail ceevq khi, yaoq n yaoq n nee, yovqgavq nail lavqyavq yovqgavq bavq khi, ngaq nail haoqnao ya tsao thel lavq nail ngaol.

Khul gaq maqkhaiq, yovqgavq nail doevq nail phaq yovqgavq bhi jel-ail movq haq neq, yovqgavq nail doevq nail phaq sunq ail nail ngaol. Thail hai ngaol-aoq, khul gaq maqkhaiq, ngaq nail haqbhoil yovqgavq nail doevq nail phaq bhi sunq ail haq neq, doevq nail phaq ya nail ngaol.

Yeiqsul ge nail: “Niaoqtseq lavqkovq bhai nieivq thaiq khi mail haoqnaol naol kovq kovq daiq nail tsaol-aq neq, Miqyail Milkhaoq bhai maq geel-nvq ail” dai, aivq bhai ge bhiq-a nail ngaol.

Tsaol-aq teevq gaq ga nav, miltsaq niil heeq lao lao ail ya gil khi ngaol-aoq, aivq nail doevq nail phaq cov ail sunq ail haq neq, aivq nail haqbhoil khul nail ganl gaoq tsoiq nail-aiq.

Tsaol-aq teevq gaq ga nav, ngaq bhai maqkhaiq, ngaq nail daoq bhai maqkhaiq haq sil haq neq, Tsaol-aq nail Yaqyov iqsanl, aivq nail seiqleiq khaoqsail lavqkhoel nee maqkhaiq, Aqbhu Miqyail khi mail meeq nail haol nail nqtavq gaqkhoel nail seiqleiq khaoqsail lavqkhoel nee maqkhaiq, yavq kha lee-u phao, tsaol-aq al gaq bhai haq sil nail ngaol.

Yeiqsul aivq bhai ge bhiq-a nail: “Kheeq siv neq, aivq nail aq khaol bhao nail ngaol. Nqtavq phao bhail nail keivq-avq iqsanl, aivq nail aq kheel bhao nail ngaol. Thail hai ngaol-aoq, Tsaol-aq nail Yaqyov neq, uqhuq bavq thaq duq maq jiav-ail” dai, ge bhiq-a nail ngaol.

Aqyu juq nail neema lavqkhoel bhai noeq thail thaiq nail al, Yeiqsul heeq nia nail ngel-i mail, yaqnoil teevq gaq aivq nail aqjail bhai hevq thaq khi mail, aqyu juq bhai ge bhiq-a nail: “Ngaq nail aqmil kov-uvq nee, yaqnoil niil gaq bhai hav-a nail tsaol-aq, ngaq bhai hav-a nail ngaol. Ngaq bhai hav-a nail tsaol-aq neq, ngaq bhai bhi lee lavq-a nail gaq bhai hav-a nail ngaol. Nul juq nail lavqkhoel, yu nee maq tsil niil nail gaq, yu nee maq tsil eeq nail gaq pevq lal naol” dai, ge bhiq-a nail ngaol.