Versets bíblics populars de Yohana 6

Comparteix

Nanghwe ū Yesu ūbawīla, “Ū nene hū nalī ngatī gwa būpanga. Ūyo wiza kūlī nene atūtuuba, nū yūyo ūnizunya atūkolwa notà na hado yaya.

Ū moyo h'ūyo gūkinhaga būpanga, ū mīlī gūtī na solobo nūūlū hado. Ī mihayo īyo nalīmuwīla h'īlī moyo, hama h'īlī būpanga.

Lekagi ū kūkoya-koyela shilīwa īsho shikashilaga, koya-koyelagi ī sha kūshinga ho welelo na welelo; īsho alang'winhe ū Ng'wana wa Munhū, nguno hū ng'wene ūyo amenghilwe na Mulungu Baba.”

Nguno ū būtogwa bo ng'wa Baba būlī gīkī, būlī ng'wene ūyo ūmona ū Ng'wana na kūnzunya, abize na būpanga bo welelo bose, nane nakūnjūūcha a ha lūshikū lo būkalīkījo.”

Ū Yesu ūbashokeja ūbawīla, “Ū nīmo go ng'wa Mulungu gūlī gīkī, nzunyagi ūyo antūmile wei.”

Pye abo aninhile Baba bakwiza ū kūlī nene, na būlī ng'wene ūyo wiza kūlī nene, natūmponya hanze na hado yaya.

Simoni Petelo ūshosha gīkī, “Seeba, tūje kūlī nani hangī? Ū bebe hū ūlī nayo ī mihayo ya būpanga bo welelo na welelo!

Ū nene nalī ngatī gwa būpanga ūyo gwikile kūfuma ng'wigūlū, ose-ose ūyo ūgūlya ū ngatī gwenūyū, akūbiza mpanga welelo na welelo. Ū mīlī gwane ūyo nalībinha ba mu sī hū gwene ū ngatī gwa būpanga.”

atīho nūūlū ūmò ūyo adūgije kwiza kūlī nene, ūlū atadutilwe na Baba ūyo anitūmile; nane nakūnjūūcha a ha lūshikū lwa būkalīkījo.

Nguno ū ngatī go ng'wa Mulungu gwamalile kwika kūfuma ū ng'wigūlū, kūlwa kūbinha būpanga a ba mu sī.”

Ū nene nalī ngatī gwa būpanga.

Ū Yesu wīsola ī migatī yenīyo, ūlūmba hūna ūbagabanhya pye abo baalī bigasha; nū tūdīlo wīta gīko. Būlī ng'wene ūpandīka gīt'ūmo bolī būdūla bo kalīīle kakwe. Aho bigeja ūbawīla a bahemba bakwe gīkī, “Gakumingagi a masaajiwa ayo gasaagīīlaga, shitizūjimīīla shose-shose.”

Aho balībuga bajile, bahayūmala gītī mailo idatū nūūlū inè gīko, būmona ū Yesu walyegeela ī lyato alīshimīza higūlya ya nyanza; bakogoha kībi no. Alīyo ū wei ūbawīla, “Mutogohage nalī nene.”