Versets bíblics populars de Matayo 18

Comparteix

Īkī aho balī babīlī nūūlū badatū bibilingaga mu lina lyane, a henaho nū nene nalīho hamò nabo.”

Na hangī nalīmuwīla gīkī, nūūlū babīlī bing'we bizunīlīja kūlwa mhayo gose-gose mu sī, shose-shose īsho bakūlomba bakwītīlwa nū Baba ūyo alī ng'wigūlū.

Nanghwe witana kanīgīnī, kiza kīmīīla hamò nabo. Hūna ūhaya, “Nalīmuwīla gwa nghana gīkī, ūlū mutagalūkile na kūbiza gītī banīgīnī, mutūdūla gete ū kwingīla ū mu būtemi bo ng'wigūlū.

Na lūūlū būlī ng'wene ūyo widohya gītī nīgīnī ng'wenūyū, ū ng'wenūyo hū ntaale ū mu būtemi bo ng'wigūlū.

Hangī ūyo ūng'wanukūla nīgīnī gīt'ūyū mu lina lyane, wananukūlaga nene.”

Zunyagi nalīmuwīla gwa nghana gīkī, yose-yose īyo mukwītunga mu sī, īkūbiza yatungagwa ng'wigūlū; nī yīyo mukwīzunīlīja mu sī, īkūbiza yazunīlījiagwa ng'wigūlū.

Hūna lūūlū, na a bing'we ūlū mutūdūla kwilekeja kūfuma mu gatī ya ngholó būlī munhū na ndūgūye, h'ūmo akūng'wītīla ū Baba ūyo alī ng'wigūlū.”

“Hama ūlū munhū ūng'wenheleja kwipama nūūlū ūmò wa bado-bado abo banisanije nene benaba, ībeelelile atungīlījiwe ū mu nhingo yakwe iwe lya kūshela, akaponejiwe mu nyanza shimu, achīle ng'wenūmo.

Ī gīsī mulībona ginehe, ūlū munhū alī na ngholo igana, hūna yūjimīīla īmò yajo, atīko kūjileka ījo makūmi kenda na kenda kū matūmbī, ūja akwīkoobaga īyo yatagaalījaga?