Versets bíblics populars de Saan 5

Comparteix

'N yɩ 'a mʋ 'nɩ ‑lee ‑nɩ: Nyiblo 'bʋ nɩ 'ʋ, 'bʋ pʋ 'na win nʋa yɩ bʋ, kɔ, 'bʋ kuo 'na 'Baɩ Nyɩsʋa ꞊wlʋ yɩ, ‑ɛ lee 'nɛ‑ 'mʋ ‑tʋtʋ kɩ, nyiblo a 'mʋ, ɛ nɔ‑ kɔ 'klɔ yrayrʋ ‑mʋ', ‑ɛ 'yɛ nɩ ‑wɛ 'lɩ. ‑Bati 'yɩ 'lɩ꞊ɩ 'lɩ ‑wɛ, bʋ klɔ 'kɩ꞊ɩ de, kɛɛ, ɛ ‑hɔn kɛ 'lɩ 'kʋkʋʋ wlɔn, 'ɛ pa 'lɩ 'klɔ yrayrʋ ‑mʋ', ‑ɛ 'yɛ nɩ ‑wɛ 'lɩ 'kwli.

‑Tɛ ‑Yusu nyre 'ʋ, ‑ɛ ‑bɩ ɛ 'ye nyiblo a 'mʋ nɩ, ‑ɛ pɛ bʋ. Ɛ yi꞊e nɩ, ‑ɛ mɔ, ‑tɛ 'a 'hʋɩ ‑tʋa la 'lɩ hinhren, ɛ ‑wlɛn 'ʋ bʋ. ‑Ɛ ‑bɩ ɛ 'bɛti꞊e nɩ, ɛ wɛn: «꞊Bɩ ‑hʋɛ꞊ɛ nɩ, ‑na 'kʋɛ bʋ ‑wɛ?»

A yɩ Nyɩsʋacrɩɩn 'nɩ 'nyɩ, ‑ɛ nu꞊o, a yi꞊e nɩ, ‑ɛ mɔ, ɛ nɔ‑ tʋɛ nɛ 'a mʋ 'klɔ yrayrʋ ‑mʋ', ‑ɛ 'yɛ nɩ ‑wɛ 'lɩ. Ɛ mɔ ꞊han‑tɩ ꞊nɩɔ, Nyɩsʋacrɩɩn a 'mʋ, nʋ‑ hlɛ 'na ‑tɩ. Kɛɛ, a 'nɩ ‑hʋa꞊a ba di 'nɛ‑ 'mʋ ‑mɔ, ‑ɛ di꞊e nu, 'mʋ 'a mʋ 'klɔ yrayrʋ a 'mʋ ‑nyi.

Kɛ‑ ‑Yusu pɩ 'kɩ, ɛ wɛn: «'Du ye', ‑bʋ 'du ‑na kɔ ye', ꞊mʋ na.» Ti nɩ ‑do a ti 'yri, ‑ɛ ‑bɩ 'a 'kʋɛ ‑wɛ nɩ, 'ɛ 'du 'a kɔ ye', 'ɛ ‑tʋa nɩna. Kɛɛ, dɛ a 'mʋ, ‑Juukʋɛ a ‑wuwle‑nyrɔwɔ* 'kwli, 'kɩ ɛ mu la 'lɩ 'lu ‑mɔ.

‑Tɩ ‑mʋ', ‑Juukʋɛ* a ye'nanyʋ yɩ ‑Yusu ‑yɛɛ ‑nɩ, ɛ nɔ‑ ɛ ‑hɩhɩɛ ꞊nʋ klɛ, ɛ wɛn: «'N yɩ 'a mʋ 'nɩ ‑lee ‑nɩ, 'mɔ ‑bʋ, ‑ɛ mɔ Nyɩsʋa a 'Yu, 'n 'yɩ 'lɩ ꞊dedede a nunuo 'lɩ ‑wɛ, 'mɔ nɩ ‑do. Dɛ ‑mʋ', 'n yɩ 'ye, 'na 'Baɩ ni, ɛ nɔ‑ 'na 'mumu, 'n ni ‑wɛ.