Versets bíblics populars de Paidáish 9

Comparteix

Aur Ḳhudá ne kahá, ki Jo ‘ahd maiṉ apne aur tumháre darmiyán, aur sab jándároṉ ke darmiyán, jo tumháre sáth haiṉ, pusht dar pusht hamesha ke liye kartá húṉ, us ká nishán yih hai, ki maiṉ apní kamán ko bádal meṉ rakhtá húṉ; wuh mere aur zamín ke darmiyán ‘ahd ká nishán hogí.

Aur kamán bádal meṉ hogí; aur maiṉ us par nigáh karúṉgá, táki us abadí ‘ahd ko yád karúṉ jo Ḳhudá ke aur zamín ke sab tarah ke jándár ke darmiyán hai.

Jo ádmí ká ḳhún kare, us ká ḳhún ádmí se hogá, kyúṉki Ḳhudá ne insán ko apní súrat par banáyá hai.

Aur Ḳhudá ne Núh aur us ke beṭoṉ ko barakat dí, aur un ko kahá, ki Bárwar ho, aur baṛho, aur zamín ko ma‘múr karo.

Har chaltá phirtá jándár tumháre kháne ko hogá, harí sabzí kí tarah maiṉ ne sab ká sab tum ko de diyá.

Aur zamín ke kull jándároṉ aur hawá ke kull parandoṉ par tumhárí dahshat aur tumhárá ru‘b hogá; yih aur tamám kíṛe jin se zamín bharí paṛí hai aur samundar kí kull machhliyáṉ tumháre háth meṉ kí gayíṉ.

Aur tum bárwar ho, aur baṛho, aur zamín par ḳhúb apní nasl baṛháo, aur bahut ziyáda ho jáo.