Versets bíblics populars de San Lucas 11

Comparteix

Mʉsã ñaꞌarã nimirã, mʉsã põꞌrãrẽ añusere oꞌomasĩꞌi. To pũrĩcãrẽ marĩ pacʉ ʉꞌmʉsepʉ nigʉ̃́, nemorõ añuse oꞌogʉsami. Cʉ̃rẽ sẽrĩrãrẽ Espíritu Santure oꞌogʉsami, nicʉ niwĩ.

Tojo weegʉ mʉsãrẽ weregʉti. Õꞌacʉ̃rẽ sẽrĩña. Cʉ̃rẽ sẽrĩcã, oꞌogʉsami. Mʉsã sẽrĩ aꞌmanuꞌcũrã, bocarãsaꞌa. Mʉsã meꞌrãcjʉ̃ ya wiꞌire sope pʉꞌto pisunuꞌcũcã cʉ̃ mʉsãrẽ pãosõrõrõ weronojõ weegʉsami.

Õꞌacʉ̃ cʉ̃rẽ sẽrĩrãrẽ oꞌosami. Noꞌo aꞌmagʉ̃nojõ bocagʉsami. Sope pʉꞌto pisugʉ weronojõ sẽrĩnuꞌcũgʉ̃rẽ oꞌogʉsami.

Jesú yʉꞌticʉ niwĩ: —Õꞌacʉ̃rẽ ñubuerã, aꞌtiro niña: “Pacʉ, mʉꞌʉ ʉꞌmʉsepʉ niꞌi. Nipeꞌtirã mʉꞌʉrẽ wiopesase meꞌrã ẽjõpeoato. Aꞌti turipʉre mʉꞌʉ beseꞌcʉ maata wiogʉ sãjãgʉ̃ aꞌtiato. Ʉꞌmʉsepʉre mʉꞌʉ ʉaro diaꞌcʉ̃ weesama. Na weronojõ aꞌti turicjãrã quẽꞌrã mejãrõta weeato.

Ʉ̃sã ñaꞌarõ weeꞌquere acobojoya. Ʉ̃sã ãpẽrãrẽ acobojoꞌcaro weronojõta ʉ̃sã quẽꞌrãrẽ acobojoya. Ʉ̃sã ñaꞌarõ weesĩꞌrĩsere cãꞌmotaꞌaya. Tojo nicã ñaꞌagʉ̃ ʉ̃sãrẽ niquesãsĩꞌrĩcã, cãꞌmotaꞌaya”, nicʉ niwĩ.

Ʉ̃sãrẽ ʉmʉcorinʉcʉ̃ baꞌase oꞌoya.

Marĩ caperi sĩꞌomʉꞌtãcja weronojõ niꞌi. Marĩ caperi añucã, añurõ ĩꞌamasĩꞌi. Marĩ caperi ĩꞌaejaticãma, añurõ ĩꞌatisaꞌa. Aꞌte weronojõ mʉsã Õꞌacʉ̃rẽ ẽjõpeo, cʉ̃ yere wéérã, caperi añurõ weronojõ niꞌi. Mʉsã aꞌti turi cjase peꞌere wãcũnʉrʉ̃cãma, caperi ĩꞌaejatirã weronojõ niꞌi. Õꞌacʉ̃ ʉaro weetirã, naꞌitĩꞌarõpʉ nirã́, cʉ̃rẽ masĩtirã weronojõ niꞌi.

Jesú masãrẽ aꞌtiro werenemocʉ niwĩ: —Masã sĩꞌocjare sĩꞌóca beꞌro bajutiropʉ, acaronojõ docapʉ sĩꞌotisama. Tojo weronojõ oꞌorã, topʉ sãjãejarãnʉcʉ̃ ĩꞌato nírã, ʉꞌmʉarõpʉ sĩꞌopeosama.