Versets bíblics populars de TAUNET 22

Comparteix

Ak ki kuuree Abraham yooto, “Koonu Kamuktaindet ne Toroor;” ko uu ye kimwaei agoi kora, keele, “Kigonune tulweetap Kamuktaindet.”

Koleenji, “Imut weeriing'ung', nooto ne ineegei, ne ichame, Isak, ak iwe agoi emetap Moriah, si igoite eng' olooto koek kagoochinet ne kibeelei eng' tulweet age ne tuun amwaun.”

Koleenji, “Ametwaa lakweet, ameyachi kiy tugul, amu kaanai nguno ale igonyiti Kamuktaindet, amu ma ieteno weeriing'ung', ne weeriing'ung' ne ineegei.”

Ki leenji Abraham, “Weeriinnyu, cheeng'jingei Kamuktaindet aarwetap keechiir ne egu kagoochinet ne kibeelei.” Yeityo koba tuwai.

Eng' kaberuret aberuurin, ak eng' kayabet ayabi iyoteng'ung' kobarait kotenit kecheik che po kipsengwet, ak kotenit ng'aniek che po ngeguutap nyanjet. Tuun nyabani lagoguk kurgeetap puunikwak; ak tuun kiberuuri pororyosyek tugul che po ng'wony eng' keswondeng'ung'; amu kegas iit kutinnyu.”

Kingo pata tuguuchooto, kotyem `Kamuktaindet Abraham, koleenji, “Abraham” ak ki le, “Ami yu.”

Ago kiguur anyun ineendet `malaikayatap Kamuktaindet ne Toroor eng' kipsengwet koleenji, “Abraham, Abraham!” Kole, “Ami yu.”

Ak ki kuur ne po aeng' `malaikaiyatap Kamuktaindet ne Toroor Abraham eng' kipsengwet, koleenji, “Kayosyechigei aneege, mwaei Kamuktaindet ne Toroor, amu keyai kii, ma ieteno weeriing'ung' ne ineegei.

Ye kingo it koronooto ole kiga koarorchi Kamuktaindet, koteech Abraham kaptisisyet eng' olooto. Kitet kweenik, yeityo korat weeriinnyi Isak, ak konde ineendet kweenik parak eng' kaptisisyet.