Versets bíblics populars de JOHANA 15

Comparteix

Aa keetitap sabibuk, ko oo mooriik: ineendet ne menya, ak amenye ineendet, ko nooto ne yiei logoek che chaang': amu momuuchi oyai kiy okweegei ngo ma mi anee kobootok.

Omenya, ak amenyok. Ko uu ye ma imuuchi temeet koi logoek ineegei, ngot koma menyei keetit; ko momuuchi ak okweek, ngot ko momenya.

Ngot omenya, ak komenyok ng'aleekyuk, osoom anyun kiy age tugul ne omache, si keyaiywok.

Ki ma olewena, ago ki alewenok, ak ki andeak, ale obe ak oii logoek, si kobiit kotebi logoekwok: si kobiit kogoonok Kwanda kiit age tugul ne osoome eng' kainennyu.

Ma tinyei chii chamyet ne siirei ni, ale kogoito chii saboondanyi agobo choronokyik.

Tilei temeet age tugul ne mi eng' anee ne ma iyei logoek, ak kotiliili temeet age tugul ne yiei logoek si koi logoek alak.

Ng'atuutyennyu ni, ale ochamye, ko uu ye ki achamak.

Kigonyiti Abba eng' niito, ye oiyie logoek che chaang'; si oegu kasubikyuk.

Aa keetit ne po iman ne po sabibuk, ak semberindet Abba.

Ngo ma menya chii, kewiirtoi ineendet ko uu temetap keetit, si koyaam; ak koyum piik, ak kowiirchi ma, ak kolalyo.

Kaamwaiwok tuguuchu, si kotebi eng' okweek poiboiyennyu, si kobiit kosulda poiboiyeng'wong'.

Ngot oriibe ng'atuutikyuk, otebye anyun eng' chamyennyu; ko uu ye ki ariip ng'atuutik che po Abba, ak atebye eng' chamyennyi.

Ang'atwok tuguuchu, ale ochamye.

Nda oo po ng'wony, ta chamei ng'wony chechiik: ago amu mo po ng'wony, ago ki alewenok eng' ng'wony, kowechok ng'wony anyun amu nooto.