Versets bíblics populars de JOHANA 6

Comparteix

Koleenji `Jeso icheek, “Aa magatyat ne po saboon: ineendet ne nyoonjino koma kasei rubeet agoi, ak ineendet ne iyana koma amei melel agoi.

Kabuuset ne igoitoi saboondo; ma tilei kiy poorto: ng'aleek che kaamwawok ko kabuuset ak saboondo.

Amoboisye agobo amitwogik che pegu, ago oboisye agobo amitwogik che tebyei agoi saboondap koigeny, che koonok Weeriitap chii. Amu kigong'ooch ineendet Kwanda, ne ineendet ko Kamuktaindet.”

Amu ni mageetap Abba, ale chii age tugul ne keerei Weeriit, ak koyan ineendet, konyooru saboondap koigeny; ak ang'eeti ineendet eng' peetuutap let.”

Kowolji Jeso koleenji, “Ni poisyetap Kamuktaindet, ale oyan ne ki iyoogu ineendet.”

Pwonjino tugul che koono Kwanda; ak ineendet ne nyoonjino koma oone matiny.

Kowolji anyun Simion Petero, koleenji, “Kiptaiyat, kibendi ole mi ng'oo? Itinye ng'aleek che po saboondap koigeny.

Aa magatyat ne sabei ne ki choorgei eng' kipsengwet: ngo am chii age tugul magatyandani, kosabei koigeny: ee, ak poortanyu ko magatyat ne agoitoi agobo saboondo ne po ng'wony.”

Ma imuuchi chii konyoonjo, ama ichuut Kwanda ne ki iyookwo: ak ang'eeti ineendet eng' peetuutap let.

Amu magatyat ne po Kamuktaindet ko nooto choorugei eng' kipsengwet, ak kogoochi ng'wony saboondo.”

Aa magatyat ne po saboon.

Ki nam anyun `Jeso magatiinik; ak kingo kagogoito kongoi, koropchi icheeget che kitebyei ng'wony; ak ko uu nooto ak icheek njireenik che tee che machei. Ak ye kingo piyong'so, koleenji kasubikyik, “Oyum katuganik che kang'et, si ma pet kiy.”

Ye kingo kagoba anyun eng' araraita ole po maelisyek somok anan ko somok ak kebeber, kogeer Jeso kowendoti eng' araraita parak, ak koriikyin moinget: ak ki iyweis. Ago ki leenji icheek, Anee; amoiywei.