Versets bíblics populars de Mbụlembu 17

Comparteix

Ébiramu gbalẹwho ụkporo awha ugbo ẹno l'awha iri lẹ tete, Onye-Nwe-Ọha byakfuta iya bya asụ iya: “Ọo mbẹdua bụ Chileke, bụ Ọkalibe-Kakọta-Ike. Tsoje mu t'ụta ba adụ lẹ ndzụ ghu.

A ta abyadụ l'e-kubaa ghu Ébiramu ọdo. Ẹwha ghu l'a-bụ Ébirihamu; o noo lẹ mu mewaru ghu nnajị mba, ha l'igweligwe.

Mu l'e-me t'ọgbandzu ono shihu ike bụru ọgbandzu, l'a-nọ jeye lẹ gbururu. Ọo-bụ ọgbandzu mu lẹ ghu mẹe ẹpa ghu, bụ ndu ọwhu l'eje abya l'atatiwhu; lẹ mu l'a-bụ Chileke ghu; bụru Chileke ẹpa ghu whẹ ono, l'eje abya l'atatiwhu.

“Lee ọgbandzu mu lẹ ghu ndọwa: Ịi-bụ nnajị mba, ha l'igweligwe.

Chileke sụ iya: “Mu kwetaru-a; l'ọ lẹ nyee ghu Séra l'a-nwụtaru ghu nwa nwoke. Iwhe l'ịi-gụ iya bụ Áyiziku. Mu l'e-me ọgbandzu mu t'o shihu ike l'ẹhu iya mẹe l'ẹhu ẹpa iya, bụ ndu ọwhu l'etso iya l'azụ; mbụ ọgbandzu l'a-nọ jeye lẹ gbururu.

Alị Kenanu l'owhu, mbụ ẹka ono unu bụ nlwamụnlwa ntaa bẹ mu l'a-nụ gụ l'ẹpa ghu t'ọ bụru nkunu jeyewaro lẹ gbururu; mu abụru Chileke ẹpa ghu whẹ ono.”

Ébirihamu daa kpube iwhu l'alị chịshia ọchi sụ onwiya: “?Ọo mụbe nwoke, gbawarụ ụkporo awha ugbo ise gbee bụru ntaa bẹ l'aa-gbẹe nwụtaru mu nwa? ?tọo Séra whọ, gbawarụ ụkporo awha ugbo ẹno l'awha iri l'a-bya anwụta nwa ntaa?”

Chileke bya asụ Ébirihamu: “A bya l'ẹka nyee ghu Serayi nọ, be ekuhekwa iya Serayi ọdo. Ẹwha iya l'a-bụ Séra.

Gụbedua l'e-bu ugvu bufu akpapyị t'ọ bụru iwhe-ọhubama, l'egoshi ọgbandzu ono, dụ l'echilabọ mu lẹ ghu.

Ọle ọgbandzu mu-a bụkwanu l'ẹhu Áyiziku bẹ mu l'e-me iya, ya eshihu ike; mbụ onye ono, Séra l'a-nwụtaru ghu ẹgube ntaa akele.”

Iwhe bụ nwa nwoke, a nwụru l'ibe ghu, ọ nọwaa ujiku ẹsato b'e bufutaje ugvu; o je l'a-dụ nno shi l'ọgbo rwua l'ọgbo, mbụ je akpakọta l'onye bụ ohu, a nwụru l'ibe ghu mẹe l'onye bụ ohu e gude okpoga zụta l'ọha ọdo, l'ẹte abụa ẹpa ghu. Nwoke nọnu b'e bufutaje ugvu; m'a nwụru iya l'ibe ghu-o; m'e gude okpoga zụta iya-o. Ọo ya bụ l'ọo ugvu ono, whẹ l'e-bu l'a-dụ whẹ l'ogwẹhu egoshi l'ọgbandzu mu ono l'a-nọ jeye lẹ gbururu.