Versets bíblics populars de Mateo 3

Comparteix

Xrokonda ixi nduaxin tsjakonta ixi ó ti jian rincheꞌenta ko titikaonnta Ncháina.

*Ko tuinxin kuinꞌenni naa tée séen kui̱xi̱n ngajní ko ndachro: ―Jiꞌin chjanꞌna tsango tjuaꞌa ko juaxruxin ritjén ngajin xjan.

Ko ndo Jesús bikitée ndo, tuinxin xenduaxin ndo inda ko meꞌe xitjeꞌe̱ ngajní ko bikon ndo Espíritue ndo Dio xingajin xranchi naa kuntúá ko bakeꞌe ngataꞌa ndo.

Ko nduaxin tjakonta ixi juincheniꞌanta ti ndakoꞌa juincheꞌenta ko janꞌan inda bikitéexinta. Ko ícha tjumeꞌe tsi̱i̱ inaa ndo ícha tetuanꞌan, ko janꞌan tikinixinnaꞌi tsikiꞌan katée ndo, ko jeꞌe ndo tsikitéxinnta ndo Espíritue ndo Dio ko xroꞌi.

*Ko jacha ó jichónꞌen jacha xrochrijinxin nueꞌe nta̱yua ixi kain nta̱a̱ tajonꞌa itu jian xrokonda xrochrijin nta̱a̱ ko xroche nta̱a̱.

Ndo Juan, meꞌe ndo tsindachro ndo Isaías: Tée naa sen tuyako ti jii ijna̱: “Nchekonchjiannta chaꞌo tsi̱ꞌxi̱n Ncháina ko nchenataoxinnta chaꞌo.”