Versets bíblics populars de San Juan 2

Comparteix

Iní̱n yej Jesús kichij Caná ipan estado de Galilea, áchto‑oꞌ kichij milagro ka̱n kine̱xtij iweyipode̱r; iwá̱n idisci̱polojmej kicre̱dojkej ipan yéj.

Jesús kijtoj: —Nomá̱w, inó̱n tejemej ayá̱ꞌ tikmatij. Aya kajasi iga manimone̱xti a̱ꞌyéj nej.

Jesús kijlij yej kiki̱xtijtoyaj vino: —Xikte̱mi̱ka̱n iga a̱ꞌti ini̱mej a̱ko̱mimej. Iwá̱n kakilijkej a̱ꞌti este yejye̱ꞌte̱miꞌ, iwá̱n Jesús kijtoj: —Iná̱n xiki̱xti̱ka̱n alí̱n, iwá̱n xikui̱guili̱ka̱n yej mencarga̱rowa iní̱n ilwiꞌ. Ijkó̱n kichijkej.

Iwá̱n Jesús kijtoj: —Xikxiti̱naka̱n iní̱n tio̱pan, iwá̱n e̱yi día ne̱wi̱guili̱j iga sej nikojpachi̱was.

Kua̱ꞌ inó̱n kitaꞌ, Jesús kikuiꞌ tájkol reata iga tamajmagaꞌ iwá̱n kiki̱xtij nochi ipan ipa̱tiojyo tio̱pan, iwa̱nya iborre̱gojmej iwá̱n ito̱rojmej. Iwá̱n yej kikambia̱rowa̱yaj tomi̱n kita̱tajkalilijkej ta̱lpan in tomi̱n iwá̱n kitzijtzi̱nkuepilijkej ime̱sajmej. Yej kinamakaj jojtokomej kijlij: —¡Inochi iní̱n xikijki̱xti̱ka̱n nigaj! ¡Amo xikchi̱waka̱n iga íkal noTaj mamokuepa ken kajli ka̱n monamaka kuajkuantas!