Versets bíblics populars de San Juan 2

Comparteix

Ña̱ ja̱a̱nꞌ nduuꞌ chu̱u̱n kaꞌnuꞌ ña̱ nu̱uꞌ, ña̱ ni̱ xa̱a̱ Jesús. Te̱ ñu̱u̱ Caná, ña̱ kanduꞌu̱ꞌ nuu̱ꞌ ñu̱ꞌuꞌ Galilea ja̱a̱nꞌ, ni̱ xa̱a̱ a̱ ña̱ ja̱a̱nꞌ, te̱ xiinꞌ ña̱ ja̱a̱nꞌ ni̱ niaꞌa̱ a̱ ña̱ ndi̱e̱eꞌ ña̱ kumiꞌ a̱. Te̱ ni̱ i̱ni̱ ka̱ te̱ nda̱ꞌaꞌ xaꞌa̱ꞌ a̱ xini ña̱ꞌaꞌ ra̱.

Te̱ ni̱ kaꞌa̱n Jesús xiinꞌ si̱ꞌiꞌ a̱ ndii: ―Nanaa̱, ¿ndichun na kaꞌán u̱nꞌ xiinꞌ yuꞌu̱ xaꞌa̱ꞌ ña̱ ja̱a̱nꞌ? Kuní ka̱ xaa̱ hora ña̱ niaꞌa̱ i̱ nuu̱ꞌ ne̱ yivi̱ꞌ chu̱u̱n ña̱ yoo nuu̱ꞌ i̱ ―ni̱ kachi̱ a̱.

Te̱ ni̱ kaꞌa̱n Jesús xiinꞌ te̱ xaxa̱ꞌ vino ja̱a̱nꞌ ndii: ―Sa̱kutuꞌ ndo̱ꞌ sa̱kuuꞌ tinaja kaa̱ꞌ ti̱kui ―ni̱ kachi̱ a̱. Te̱ ni̱ sa̱kutuꞌ katiꞌi̱ꞌ ra̱ a̱. Sa̱kanꞌ te̱ ni̱ kaꞌa̱n a̱ xiinꞌ ra̱ ndii: ―Ta̱va̱ꞌ ndo̱ꞌ sie raꞌ vi̱ti̱n, te̱ kundi̱a̱ka̱ ndo̱ꞌ raꞌ nda̱ꞌaꞌ te̱ ndisoꞌ chuunꞌ xaꞌa̱ꞌ vi̱koꞌ ―ni̱ kachi̱ a̱. Te̱ ni̱ xan ndi̱a̱ka̱ ra̱ raꞌ nda̱ꞌaꞌ te̱ ja̱a̱nꞌ.

Te̱ ni̱ na̱kui̱i̱n a̱ nuu̱ꞌ ra̱ ndii: ―Naaꞌ ta̱ni̱ ndo̱ꞌ yu̱kunꞌ kaꞌnuꞌ yoꞌoꞌ ndii, kivi̱ꞌ ña̱ uni̱, te̱ xa̱ ni̱ na̱ka̱ni̱ i̱ tu̱ku̱ a̱ ―ni̱ kachi̱ a̱.

Te̱ ni̱ chu̱ntaꞌanꞌ a̱ i̱i̱n uvi̱ yo̱ꞌoꞌ, te̱ ni̱ ta̱xiꞌ uꞌvi̱ a̱ sa̱kuuꞌ te̱ ndieeꞌ nuu̱ꞌ ki̱ꞌe̱ ja̱a̱nꞌ, xiinꞌ mbe̱e̱, xiinꞌ toro. Te̱ ni̱ ki̱ku̱ꞌ a̱ xu̱ꞌunꞌ te̱ namaꞌ xu̱ꞌunꞌ ja̱a̱nꞌ, te̱ ni̱ sa̱nduva a̱ mesa ra̱. Te̱ ni̱ kaꞌa̱n a̱ xiinꞌ te̱ xiko̱ꞌ paloma ja̱a̱nꞌ ndii: ―Ta̱va̱ꞌ ndo̱ꞌ sa̱kuuꞌ ña̱ꞌa̱ ndo̱ꞌ kaa̱ꞌ nuu̱ꞌ ki̱ꞌe̱ yu̱kunꞌ yoꞌoꞌ, te̱ ndä̱sa̱ndu̱u̱ ndo̱ꞌ vi̱ꞌe̱ yu̱vaꞌ i̱ nde̱e̱ naa ya̱ꞌvi̱ ―ni̱ kachi̱ a̱.