Versets bíblics populars de San Juan 4

Comparteix

Ndiosí ndii, Espíritu nduuꞌ a̱, te̱ ne̱ xakaꞌnuꞌ ña̱ꞌaꞌ ndii, kuní a̱ ña̱ sa̱kaꞌnuꞌ ña̱ꞌaꞌ ni̱a̱ xiinꞌ ña̱ ndi̱e̱eꞌ Espíritu a̱, te̱ xakaꞌnuꞌ nda̱ku ña̱ꞌaꞌ ni̱a̱ sa̱a̱ kuní mi̱iꞌ a̱ ―ni̱ kachi̱ a̱ xiinꞌ aꞌ.

Ndisu̱ xa̱ tondíá kivi̱ꞌ ña̱ sa̱kaꞌnuꞌ xna̱ꞌa̱ ña̱ꞌaꞌ ne̱ yivi̱ꞌ, te̱ xa̱ ni̱ xa̱a̱ a̱ vi̱ti̱n. Ne̱ ja̱a̱nꞌ ndii, sa̱kaꞌnuꞌ ni̱a̱ yu̱vaꞌ Ndiosí xiinꞌ ña̱ ndi̱e̱eꞌ Espíritu a̱, te̱ sa̱kaꞌnuꞌ nda̱ku ña̱ꞌaꞌ ni̱a̱ sa̱a̱ kuní mi̱iꞌ a̱. Kua̱chi̱ ndii sa̱kanꞌ kuní yu̱vaꞌ e̱ꞌ Ndiosí ña̱ sa̱kaꞌnuꞌ ña̱ꞌaꞌ ne̱ yivi̱ꞌ.

Ndisu̱ yo̱o̱ ka̱ xiꞌiꞌ ti̱kui, teꞌ taxiꞌ yuꞌu̱ ja̱a̱nꞌ ndii, kö̱o̱ꞌ kivi̱ꞌ ka̱ ichi̱ tu̱ku̱u̱ i̱ni̱ ni̱a̱, sa̱kanꞌ ña̱ ti̱kui, teꞌ ta̱xi̱ yuꞌu̱ ko̱ꞌo̱ ni̱a̱ ja̱a̱nꞌ ndii, ka̱nde̱ta̱ vi̱ꞌ raꞌ ti̱xi̱n i̱ni̱ ni̱a̱, te̱ ta̱xi̱ raꞌ kivi̱ꞌ ñu̱u̱ ña̱ kö̱o̱ꞌ kivi̱ꞌ ndiꞌiꞌ nda̱ꞌaꞌ ni̱a̱ ―ni̱ kachi̱ a̱.

Te̱ ni̱ kaꞌa̱n Jesús xiinꞌ aꞌ ndii: ―Naaꞌ xiní u̱nꞌ ndee ña̱ nduuꞌ ña̱ va̱ꞌa̱, ña̱ xamaníꞌ Ndiosí ne̱ yivi̱ꞌ, te̱ naaꞌ xiní tu̱ u̱nꞌ yo̱o̱ nduuꞌ ña̱ xikán ti̱kui nuu̱ꞌ u̱nꞌ ndii, mi̱iꞌ u̱nꞌ kaka̱n ti̱kui nuu̱ꞌ i̱, te̱ ta̱xi̱ i̱ ti̱kui, teꞌ taxiꞌ kivi̱ꞌ ñu̱u̱ nda̱ꞌaꞌ u̱nꞌ ―ni̱ kachi̱ a̱.

Te̱ ni̱ kaꞌa̱n Jesús xiinꞌ ra̱ ndii: ―Ña̱ xaaꞌ i̱ ña̱ kuní ña̱ ni̱ ti̱ꞌviꞌ yuꞌu̱ te̱ sa̱xinú e̱ ndii, ña̱ ja̱a̱nꞌ nduuꞌ nde̱e̱ naa ña̱ xaxi̱ꞌ nuu̱ꞌ i̱.

Te̱ ni̱ kaꞌa̱n ñaꞌ ja̱a̱nꞌ xiinꞌ a̱ ndii: ―Tákuiꞌe, kö̱o̱ꞌ nde̱e̱ i̱i̱n ña̱ꞌa̱ niꞌiꞌ u̱nꞌ te̱ ta̱va̱ꞌ u̱nꞌ ti̱kui, te̱ pozo yoꞌoꞌ ndii, kunu xa̱va̱ꞌa̱ a̱. Sa̱kanꞌ na kuiiꞌ, ¿miiꞌ yoo ti̱kui, teꞌ taxiꞌ kivi̱ꞌ ñu̱u̱ ja̱a̱nꞌ xaaꞌ u̱nꞌ?

Te̱ ni̱ kaꞌa̱n ña̱ꞌaꞌ ja̱a̱nꞌ xiinꞌ a̱ ndii: ―Xiní i̱ ña̱ ki̱xi̱n Mesías, ña̱ ti̱a̱nu̱ꞌ Ndiosí sa̱kakú yooꞌ, ña̱ kaꞌán tu̱ ne̱ yivi̱ꞌ nduuꞌ Cristo. Te̱ kii̱ꞌ ki̱xi̱n ña̱ ja̱a̱nꞌ ndii, sa̱na̱kuachiꞌ ndiꞌi̱ a̱ sa̱kuuꞌ ña̱ yoo nuu̱ꞌ e̱ꞌ ―ni̱ kachi̱ aꞌ. Te̱ ni̱ kaꞌa̱n Jesús xiinꞌ aꞌ ndii: ―Ña̱ ja̱a̱nꞌ nduuꞌ yuꞌu̱, ña̱ ndatuꞌunꞌ xiinꞌ u̱nꞌ ―ni̱ kachi̱ a̱.

―Toꞌo̱ꞌ ndo̱ꞌ te̱ ku̱ni̱ ndo̱ꞌ i̱i̱n te̱ yivi̱ꞌ, te̱ ni̱ kaꞌa̱n xiinꞌ i̱ sa̱kuuꞌ ña̱ ni̱ xa̱a̱ i̱. Tee̱ꞌ te̱ ja̱a̱nꞌ nduuꞌ Cristo, ña̱ sa̱kakú yooꞌ, cho̱ꞌ ―ni̱ kachi̱ aꞌ.