Versets bíblics populars de Noo Luke 13

Comparteix

Streeu-jee shiuish dy gholl stiagh er y ghiat coon: son nee ymmodee, ta mee gra riu, shirrey goll stiagh, agh cha jig eh lhieu.

As cur-my-ner va ben ayns shen seaghnit lesh spyrryd doghanagh rish hoght bleeaney jeig, as v’ee crybbit dy cheilley, as cha dod ee er aght erbee ee hene y yeeraghey. As tra honnick Yeesey ee, deïe eh urree huggey, as dooyrt eh r’ee, Ven, t’ou er dty eaysley veih dty ghoghan.

As hug eh e laueyn urree; as er-y-chooyl v’ee er ny yannoo jeeragh, as ren ee Jee y ghloyraghey.

As cur-my-ner, ta er-jerrey vees hoshiaght, as ta hoshiaght vees er-jerrey.

Keayrt dy vel mainshter y thie er n’irree, as y dorrys dooint, as dy jean shiuish toshiaght dy hassoo er cheu-mooie, as dy chronkal ec y dorrys, gra, Hiarn, Hiarn, foshil dooin; as freggyree eshyn as jir eh riu, Cha nione dou shiu, cre veih ta shiu

Ta mee ginsh diu, Nagh row: agh mannagh gow shiuish arrys, nee shiu ooilley myrgeddin cherraghtyn.

Agh jir eshyn, Ta mee ginsh diu, nagh nione dou shiu, cre veih ta shiu: ersooyl-jee voym ooilley shiuish ghrogh-yantee.

Eisht dooyrt eh, Cre ta reeriaght Yee goll-rish? as cre gys nee’m y hoylaghey eh? Te goll-rish grine dy rass mustard, ren dooinney y ghoaill, as y hilgey ayns e gharey, as daase eh, as haink eh dy ve ny villey vooar: as ren eeanlee yn aer fastee y ghoaill ayns ny banglaneyn echey.