Versets bíblics populars de Noo Luke 17

Comparteix

As dooyrt eh rish, Irree, immee royd; ta dty chredjue er dty laanaghey.

As my nee eh peccah dt’oï shiaght keayrtyn ’sy laa, as shiaght keayrtyn ’sy laa chyndaa reesht hood as gra, Ta mee goaill arrys; te ort leih da.

As hyndaa fer jeu back, tra honnick eh dy row eh er ny laanaghey, as lesh ard-choraa hug eh moylley da Jee, As huitt eh sheese er e eddin ec ny cassyn echey, cur booise da: as v’eh ny Samaritan.

Cur-jee twoaie diu hene: My nee dty vraar aggair dhyt, cur oghsan da; as my ghoys eh arrys, leih da.

As dreggyr Yeesey, gra, Nagh row jeih er ny ghlenney? agh cre vel yn nuy?

As dooyrt y Chiarn, Dy beagh credjue eu myr grine dy rass mustard, oddagh shiu gra rish y billey-sycamine shoh, Bee er dty hayrn ass ny fraueyn, as bee er dty hoiaghey ayns y cheayn; as yinnagh eh biallys diu.

Quoi-erbee ta shirrey e vioys y hauail, caillee eh eh: as quoi-erbee nee e vioys y choayl, saue-ee eh eh.

Eisht dooyrt eh rish e ostyllyn, Cha vod eh ve, agh dy bee oyryn peccah ayn: agh smerg dasyn liorish hig ad. Veagh eh ny bare dasyn clagh-wyllin ve croghit mysh e wannal, as eh dy ve baiht ayns y cheayn, na eh dy hayrn gys peccah unnane jeh’n vooinjer veggey shoh.

As myr ve rish lhing Noe, shen myr vees eh neesht ayns laghyn Mac y dooinney. V’ad gee, v’ad giu, v’ad poosey, v’ad er nyn goyrt ayns poosey, derrey’n laa hie Noe stiagh ayns yn arg: as haink y thooilley as vaih eh ad ooilley.