Versets bíblics populars de يُحَنَّ 15

Comparteix

«مِنْ وٛنِ عِنَبٛحِ، عٛنٛنْ عٛنْ لِشٜ؞ مٛ تَبِتِ ندٜرْ کَوْتَلْ بٜى عَمْ، مِنْ بٛو مِتَبِتِ ندٜرْ کَوْتَلْ بٜى مُوطُمْ، کَنغْکٛ عٛوَطَنْ نَڢُودَ؞ عَمَّا تٛ عٛنْ نغٛنْدَايْ بٜى عَمْ، عٛنْ مبَاوَتَا وَطُغٛ کٛو طُمٜ؞

تَبِتٜ ندٜرْ کَوْتَلْ بٜى عَمْ، ندٜنْ کَمْ مِنْ بٛو مِتَبِتَنْ ندٜرْ کَوْتَلْ بٜى مٛوطٛنْ؞ بَنَ نٛ لِسَلْ عِنَبٛحِ رِمَتَا ࢡِࢡّٜ، سٛنَا تٛ نغَلْ حَوْتِ بٜى عِنَبٛحِ، بَنَ نٛنْ عٛنٛنْ بٛو، عٛنْ مبَطَتَا نَڢُودَ سٛنَا تٛ عٛنْ طٛنْ تَبِتِ ندٜرْ کَوْتَلْ بٜى عَمْ؞

تٛ عٛنْ طٛنْ تَبِتِ ندٜرْ کَوْتَلْ بٜى عَمْ، بٛلّٜ عَمْ بٛو طٛنْ تَبِتِ ندٜرْ مٛوطٛنْ، تٛرٜ کٛ عٛنْ نغِطِ ڢُو، عٛنْ کٜࢡَنْ طُمْ؞

نَا عٛنٛنْ شُࢡِ يَمْ، عَمَّا مِنْ سُࢡِ عٛنْ؞ مِسُࢡِ عٛنْ، مِيٛوَنِ عٛنْ کُوغَلْ، نغَمْ حَا عٛنْ نجَحَ، عٛنْ مبَطَ نَڢُودَ، نَڢُودَ مٛوطٛنْ بٛو تَبِتَ، نغَمْ حَا کٛ عٛنْ ࢨَمَتَ حَا بَابِرَاوٛ بٜى عِنْدٜ عَمْ ڢُو، عٛحٛکَّ عٛنْ طُمْ؞

وَلَا يِيدٜ ࢡُرَتَ ندٜعٜ‏: غٛطّٛ حٛکَّ يٛنغْکِ مُوطُمْ نغَمْ سٛوبِرَاࢡٜ مُوطُمْ؞

لِسَلْ کٛو نغَلٜ حَا عَمْ نغَلْ رِمَتَا ࢡِࢡّٜ، عٛتَعَنْ نغَلْ؞ عَمَّا لِسَلْ دِمَنْنغَلْ ࢡِࢡّٜ، عٛمٛعِّنَنْ نغَلْ حَا نغَلْ ࢡٜسْدَ رِمُغٛ ࢡِࢡّٜ ڢَحِنْ؞

ندَا عُمْرٛورٜ عَمْ‏: نغِطِنْدِرٜ بَنَ نٛ مِيِطِرِ عٛنْ؞

ندَا کٛ تٜدِّنْتَ بَابِرَاوٛ عَمْ‏: عٛنْ مبَطَ نَڢُودَ طُوطْکَ، عٛنْ لَاتٛ ݠُکَرَعٜنْ عَمْ؞

عِيسَى تٛکِّ وِعُغٛ‏: «مِنْ، مِ عِنَبٛحِ غٛونغَحِ، بَابِرَاوٛ عَمْ وٛنِ جَوْمُ نغٜسَ؞

تٛ غٛطّٛ تَبِتَايْ ندٜرْ کَوْتَلْ بٜى عَمْ، عٛ وُدِنْتٜىٰطٛ يَاسِ بَنَ لِسَلْ تَعَانغَلْ، نغَلْ يٛورَنْ، ندٜنْ ࢡٜکٛوشَنْ نغَلْ ࢡٜنغُدِنَ نغَلْ ندٜرْ يِيتٜ، نغَلْ وُلَ؞

«مِوٛلْوَنِ عٛنْ طُمْ بَنَ نِي نغَمْ حَا سٜيٛ عَمْ وٛنَ ندٜرْ ࢡٜرْطٜ مٛوطٛنْ، سٜيٛ مٛوطٛنْ بٛو حٜىٰوَ؞

تٛ عٛنْ طٛنْ نجٛغٛ عُمْرٛوجٜ عَمْ، عٛنْ تَبِتَنْ ندٜرْ يِيدٜ عَمْ، بَنَ نٛ مِنْ بٛو مِجٛغٛرِ عُمْرٛوجٜ بَابِرَاوٛ عَمْ، مِطٛنْ تَبِتِ ندٜرْ يِيدٜ مَاکٛ؞

نغِطِنْدِرٜ، کَنْجُمْ مِعُمْرِ عٛنْ؞»

تٛ عٛنْ لَاتِنٛ ࢡٜ دُنِيَارُ، ندُ يِطَنّٛ عٛنْ نغَمْ عٛنْ يِمْࢡٜ مَارُ؞ عَمَّا ندٜ نِي عٛنْ لَاتَاکِ ࢡٜ دُنِيَارُ، مِسُࢡِ عٛنْ، مِوُرْتِنِ عٛنْ دِغَ دُنِيَارُ، نغَمْ مَاجُمْ، دُنِيَارُ طٛنْ وَࢩَ عٛنْ؞