Versets bíblics populars de Yauhaas 1

Comparteix

Tabsis txhua tug kws lug leeg yuav Nwg hab ntseeg Nwg, Nwg pub puab muaj cai lug ua Vaajtswv cov mivnyuas.

Thaus chivkeeb, Txujlug tub yeej muaj nyob lawm; Txujlug ibtxwm nrug Vaajtswv nyob, hab Txujlug ntawd yog Vaajtswv.

Qhov kaaj ntawd ci huv qhov tsaus, hab qhov tsaus yuav kov tsi yeej qhov kaaj.

Txujlug ntawd tau lug yug ua tuabneeg, Nwg puvnpo txuj moovhlub hab qhov tseeb, hab Nwg nyob nruabnraab huv peb. Peb pum Nwg tug tshwjchim ci ntsaa-ab, Leejtxiv pub tug tshwjchim ntawd rua Nwg, ruaqhov Nwg yog Leejtxiv tuableeg Tub.

Vaajtswv tsim ibpuas tsaavyaam lug ntawm Txujlug ntawd; yog tsi muaj Nwg, ibpuas tsaavyaam ntawd yeej yuav tsi muaj ib yaam twg kws yuav tshwmsim tau lug le. Txujlug yog lub hauvpaug txujsa, hab txujsa ntawd yog qhov kaaj rua tuabneeg pumkev.

Nub tomqaab, Yauhaas pum Yexus taug kev tuaj rua ntawm nwg, Yauhaas txhaj has tas, “Mej saib seb, tug ntawd yog Vaajtswv tug mivnyuas Yaaj kws yuav ris tuabneeg nplajteb lub txim!

Txujlug tub lug nyob huv nplajteb nuav lawm, hab Vaajtswv tsim lub nplajteb nuav yog lug ntawm Nwg, tabsis tuabneeg nplajteb tsi paub Nwg. Nwg lug rua huv Nwg lub teb lub chaw, tabsis Nwg tsaav tuabneeg tsi leeg yuav Nwg.

Nuav txhaj yog qhov kaaj kws tseeb tag: qhov kaaj tau lug rua huv lub nplajteb hab ci rua txhua tsaav tuabneeg.

Vaajtswv muab txuj Kevcai rua peb lug ntawm Mauxes, tabsis Nwg muab txuj moovhlub hab qhov tseeb rua peb lug ntawm Yexus Khetos.