Versets bíblics populars de Jɔn 14

Comparteix

Mə gə, mèꞌtə məduꞌ-nyɔŋ tɨ́ viŋ. Mə taa kɔ məduꞌ-nyɔŋ tɨ́ viŋ. Mə kee kɔ tɨ́ viŋ faŋ mbi kɔ nə me. Kɨ fwi siŋ lɔꞌ me, nduŋ kee kɨ sɨɨ viŋ me.

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Yeso baa gì tɨ́ vəŋ laa, «Kɨ fwi siŋ kɨ lɔꞌ me! Viŋ nuŋ fwi siŋ maa Nwi, nə maa mə!

Wuu məgaŋtə faŋ luu Zwitə Ley faŋ Nwi ndɔ tɔŋ tɨ́ viŋ buꞌ mə, ndɔ twelə vənu vənshə tɨ́ viŋ, baa lùmə vənu vənshə tɨ́ viŋ faŋ mə nə nàysə tɨ́ viŋ nə.

Wə ntɨə faŋ ŋwə kɨɨ nə ntɨsə saŋ, nùŋsə taa fwi ŋwə, kɨ toꞌ maa ntɨsə sɔ́, buu lùu wə faŋ ŋwə kaw mə. Wə ntɨə faŋ ŋwə kaw mə tɨ́ nee, buu Tii ŋwaa baa luu kaw ŋwə. Nshɨ-tɔ ŋwaa kaw ŋwə nɨzi, yɨ laa ŋwə taa ye mə maa yinsəŋ.»

Mə ndɔ buꞌ ghɔ tɨ́ Tii ŋwaa, ŋwə taa kɔ wuu məgaŋtə tɨ́ viŋ faŋ lùu Zwitə Ley. Ŋwə goꞌsə taa ŋwaa viŋ yighee muꞌ. Lùu Zwitə yinsəŋ, faŋ kaꞌ ŋkə kee ŋìi taa fwi mbi me, buꞌ laa kaꞌ vəŋ kee yè zwitə kɔ́ me, kee kɨ̀ɨ nə ŋkə me. Gə̀ fɨ maa viŋ, viŋ kɔꞌ kɨɨ nə zwitə kɔ́, buꞌ laa ŋkə taa goꞌ tɨ́ viŋ, baa lùu taa fwisə viŋ.

Fa tɨ̀ me fa faŋ viŋ ndwaŋ fɨ ghɔ Nwi maa yizii nyaa, buu mə taa yɨ̀sə laa viŋ kii, tɨ́ kaꞌ vɨɨ kɨ̀ɨ nə yikwalə Nwi fɨ yiba jɨŋ ŋwiŋ wi. Viŋ ndwaŋ fa maa yizii nyaa, buu mə taa kɔ tɨ́ viŋ.»

Yeso baa gì laa, «Kɨ luu viŋ kaw mə, buu viŋ taa zɔnə ntɨsə saŋ.

Taa ŋii Tii ŋwaa njɨɨsə ndɔꞌ shɔ səyaŋ. Ŋkə nii toꞌ kee lùu nɨniŋ me, buu mə nàysə tɨ́ viŋ. Nɨniŋ, mə gə shɔ, gə lootə shəŋ tɨ́ viŋ.

Mə taa gə lootə shəŋ duꞌnə tɨ́ viŋ, bə̀ŋ jwì ndì viŋ, viŋ jwi yɨ mə, laa shəŋ ŋkɨə faŋ mə dùꞌ shɔ, viŋ luu shɔ nɨzi.

Tɔmas gi tɨ́ ŋwə laa, «Yia kee kɨɨ nə shəŋ ŋkɨə faŋ a gə shɔ me. Sii kaꞌ yia kɨ̀ɨ nə jɨɨ kɨkə?»