Versets bíblics populars de Lukas 17

Comparteix

Ŋwə nə gì nɨniŋ, baa gi tɨ́ wuu Samaria ghɔ́ laa, «Ndɔ fɨ nsi, gə̀ nə ŋwaa ŋgwunə. A bwèy buꞌ laa a nùŋ fwi yə maa Nwi.»

Ŋwə kɔlə gù maa ghɔ ghee kwatia maa shi kəmuꞌ, jwi yɨ ghɔ, gì laa yi lùŋ maa nu kɔ́, bàw a ndenə yibɨsə yi ghee nshə.»

Wə muꞌ fɨ taa ŋwaa vəŋ ye laa ŋwaa wi lèy, bəŋ kɨ bəŋsə Nwi nə gɨ yishaꞌsə. Ŋwə jwi gù vɨsɨ Yeso, tùŋ yikəꞌ yi nsi, kɔ bwaŋ-wee. Wə ghɔ́ nə luu wuu Samaria.

Viŋ shiinə yiŋwaa yiŋ! Kɨ luu laa weenshu wə gù nu, a tɨ ŋwə. Ŋwə kɨ luu kwiinə fwi yi, a ndenə nu kɔ́.

Yeso gi laa, «Maa vɨɨ nii lùu yighuŋ faŋ yiŋwaa yivəŋ kìasə ley. Vɨɨ mbə buumuꞌ sii bə?

Tɨta Yeso gi tɨ́ vəŋ laa, «Viŋ nii toꞌ nuŋ fwi siŋ maa Nwi sheꞌ tɨtiꞌ, sheꞌ yaa ŋɨꞌ fulɨsɨgaa, buu kaꞌ viŋ gì tɨ́ tɨ yɔŋ kə̀ laa, muꞌnə viŋ ghay ghə fɨ feenə, gə bìa ŋwaa wə taa mamuu, buu tɨ kɔ́ taa zɔnə viŋ.»

Wə ntɨə faŋ ŋwə kəə bweysə ŋwaa wi, ndɔ ndi. Luu nə, wə ntɨə faŋ ŋwə ndisə ŋwaa wi, ndɔ bweysə ŋwaa wi.

Yeso nə baa gì tɨ́ vɨɨ məzwetə nu ki laa, «Nu vɨɨ vənshə lùu laa vəŋ ŋii məmɔŋ maa məyɨ nu bwə. Luu nə, ndwaŋ tɔ wə ntɨə faŋ ŋwə yɨsə laa wə mɔ́ꞌ yɨ nu bwə. Ŋkə nə bàw tɨ́ ŋwə laa vɨ ndi yiti bee, gày me ŋwə, mɔ̀ꞌ ŋwə ŋkee taa mamuu, shɔ̀ɔ fɨ ghɔ vɨ meꞌtə ŋwə, ŋwə gə mɔŋ sheꞌ wuu tɨtiꞌ muꞌ, yɨsə laa ŋwə yɨ nu bwə.

Maa yighee njyə faŋ ŋwə ndɔ bəŋ jwi nə, nu vɨɨ ndɔ luu sheꞌ yaa ŋkə nə luu maa yighee Noa. Maa yighee Noa, vɨɨ nə zɨ, nu, ndaa, gə̀ məndaa, gə̀ ziꞌ tɨ́ shi ŋkɨə faŋ Noa nə ŋìi taa bay kwalə ki nə. Muu kɨ nii fùu, zwìlə vəŋ vənshə.