Versets bíblics populars de Xhun 6

Comparteix

Tul ech tal Jesuus s-eche: —Aʼetz ine, u Paan uvaʼ nik aqʼon qʼij isaq inqʼa xaol uvaʼ yeʼl iyaʼebʼal imotxebʼal. Tan jaʼl uvaʼ laʼ ok bʼen s-viʼ, tul yeʼl inpaqt laʼ vaʼyi. Atz jaʼl uvaʼ laʼ qeon in, tul yeʼl inpaqt laʼ tzaq itziʼ.

Aʼetz talax u yol uvaʼ nik val sete s-eche: Tan aʼ viTiuxhil Tiuxhe uvaʼ nik aqʼon qʼij esaq uvaʼ yeʼl iyaʼebʼal imotxebʼal. Pet jit aʼ laʼ aqʼon qʼij esaq uvaʼ yeʼl iyaʼebʼal imotxebʼal tiʼ etxʼaktoʼk tiʼ kam uvaʼ nik ebʼaneʼ. Echetze inqʼa yol, uvaʼ nik valeʼ, tan tetz viTiuxhil Tiuxhe. Tul aʼetz uvaʼe, nik aqʼon qʼij esaq uvaʼ yeʼl iyaʼebʼal imotxebʼal.

Pet txhokvaq in, poro jit tiʼ u etxhbʼubʼal uvaʼ at imotxebʼal. Pet aʼ etxhokvat in tiʼ u etxhbʼubʼal uvaʼ laʼ aqʼon qʼij esaq uvaʼ yeʼl iyaʼebʼal imotxebʼal. Aʼetz uvaʼe, laʼ vaqʼ sete, in, u Kʼaola uvaʼ qat bʼen in s-alam aanima. Tan aʼ ine, uvaʼ at t-inqʼabʼ taʼn vinBʼaal tiʼ taqʼax sete, —xeʼt Jesuus.

Atz aʼat titzʼabʼal vinBʼaal, uvaʼ txhaqon tzaan in, uvaʼ laʼ iqej in jankʼal inqʼa xaol, tiʼ uvaʼ laʼ til inbʼantaʼ. Tul atetz qʼij isaq u xaol uvaʼ yeʼl iyaʼebʼal imotxebʼal laʼ ibʼana. Tul in laʼ motx itzʼeʼvsan inpaqte t-vimotxebʼal qʼij saq, —xeʼt Jesuus.

Tul ech tal Jesuus te inqʼa xaol s-eche: —Aʼetz nik tal quBʼaal Tiuxh sete uvaʼ laʼ eqej in, in vitxhaq u quBʼaal Tiuxh uvaʼ qat taqʼ tzaan sexoʼl, —xeʼt Jesuus.

Pet jankʼal u xaol uvaʼ, aʼ vinBʼaal nik aqʼon s-ve, tul aʼetz uvaʼe, nik tok bʼen s-viʼ tiʼ inqeexeʼ. Jaʼletz u xaol uvaʼ laʼ txhʼuyeʼv s-viʼ, tul yeʼ laʼ vixva ka.

Yaʼne ech tal Simoon Luʼ s-eche: —InBʼaal, ¿tal koq laʼ qukʼaqa? Tan taʼn axhe nik alon inuqul inqʼa yol s-qe uvaʼ laʼ aqʼon qʼij qusaq uvaʼ yeʼl iyaʼebʼal imotxebʼal.

Echetz aʼ ine, uvaʼ tzajnaʼql in t-amlikaʼ, u aqʼol tetz qʼij saq. Tan ech in, eche u paan. Jaʼletz u xaol uvaʼ laʼ etxhbʼun vintxhiʼoʼl, tul aʼetz uvaʼe, yeʼl iyaʼebʼal imotxebʼal qʼij isaq. Poro u etxhbʼubʼal uvaʼ nik valeʼ, uvaʼ toq vaqʼ te inqʼa tenam vatz txʼavaʼ, tan aʼe vintxhiʼoʼl uvaʼ toq vaqʼ kʼaxbʼisaloq tiʼ taqʼax u qʼij saq uvaʼ yeʼl iyaʼebʼal imotxebʼal, —xeʼt Jesuus.

Tan yeʼxhabʼil invaʼq xaol laʼ qeon in, oq jit aʼ vinBʼaal, uvaʼ txhaqon tzaan in, laʼ oksan tu taanima. Tan jatvaʼl inqʼa laʼ qeon in, tul tetxhal laʼ itzʼeʼv inpaqte vaʼn uvaʼs laʼ vaqʼt kuʼ inqʼa yol tinuqul tiibʼa jankʼal inqʼa xaol.

Echetz aʼ u nuqla Paane uvaʼ, aʼ vinBʼaal, uvaʼ een tu amlikaʼ, qat aqʼon tzaan. Tul aʼ u Paan nik aqʼon qʼij saq uvaʼ yeʼl iyaʼebʼal imotxebʼal te kamxh xaolil vatz txʼavaʼ, —xeʼt Jesuus.

Aʼetz ine, u Paan uvaʼ nik aqʼon qʼij isaq inqʼa xaol uvaʼ yeʼl iyaʼebʼal imotxebʼal.

Yaʼne itxey Jesuus inqʼa paan, tul taqʼ Jesuus taʼntiuxh te quBʼaal Tiuxh s-tiʼ. Tul taqʼ vet Jesuus te inqʼa nikich itxhus tibʼ s-kʼatza. Aʼetz vet inqʼa nikich itxhus tibʼ kʼatz Jesuus jatxon el xoʼl inqʼa xaol. Tul echat kuxh ibʼan Jesuuse te inqʼa txay. Tul nikich taqʼax te inqʼa xaol jankʼal uvaʼ nikich motx ijaqeʼ. Txʼaʼonetz vet inqʼa xaol s-bʼaʼn, tul ech tal vet Jesuus te inqʼa nikich itxhus tibʼ s-kʼatza s-eche: —Molvaq inqʼa yal etxhbʼubʼal. Tul yeʼxhkam inbʼeeq laʼ bʼutxhuxi, —xeʼt Jesuus.

Kamal oʼvaʼl, atz maq vajqil kiloometro maʼtich ixajtoʼk u vaarko viʼ u mam aʼ, tul ajtxh motx til vet inqʼa nikich itxhus tibʼ kʼatz Jesuus uvaʼ sebʼtich ixaon ok Jesuus viʼ u mam aʼ. Tul aqʼbʼ vet kʼatz u vaarko. Tul yekichaq motx samun veteʼ. Yaʼne ech tal Jesuus s-eche: —Yeʼ kuxh xoʼv ex, tan ine, —xeʼt Jesuus.