Versets bíblics populars de Lucas 11

Comparteix

Kanguna na alli gashash maraguna imada mañakish allidami kunguichi. ¡Jawa pachabi tiyaj Taitagarin kanguna mañakiga Espiritudami kunga!”

Ñukaga kaidash nini: Mañichi, Diosga kungallami. Mashkichi, japinguichillami. Punguda takichi, kangunamu paskangallami.

Maijinsh mañakiga kungallami. Mashkashaga japingallami. Punguda takaki paskangallami.

Shina niki Jesús kashna niga, “Taita Diosta mañashaga kashna ninguichi: Jawa pachabi tiyaj Taitalla, Kambuj shuti <Alli> nishka gachun, Kambuj mandana shamuchun.

Ñukuchida na allida tuki rurujkunada perdonanchimi, shinaidi ñukuchij juchagunada perdonabai. Ima na alli ruranabi ama sakibaichu, ashtangarin chimunda anchuchibai.”

Ñukuchimu p'unllandi tandada karabai.

Kambuj ñawigunaga cuerpobuj luz shinami gan. Kambuj ñawiguna alli gakiga tuki kambuj cuerpoga p'unllabi purisha kausaj shinami ganga, ashtanbish kambuj ñawi na alli gakiga yanamangabi kausuj shinami gangui.

“Pish luzta katichishaga na pakusha manga ukubish na churanchu, ashtangarin waigujkuna luzta rikuchun jawamumi churan.