Versets bíblics populars de Màtéyò 11

Comparteix

«Wo yo má co ta bà bàkà du nèté gî, wo yo má co ta bà te du i gî, yo gì gí mì ye, wàa yo ꞌví tèwo yo.

Yo zèè nje koṛi tí nó á pààpì ye nô, wàa ye ꞌví nìbà bà làngà koṛi ji yo, tacó ye a mbe zèè ndâ ꞌduù ta pétékè ꞌbì, tí mbe ꞌdê njembí, wàa yo ꞌví tèwo yo.

Tacó bà te koṛi tí nó á pààpì ye nó kpolo lá, káꞌi tí nò náa ye kû làngà nò delè me duù lá.»

«Wò tí Bu ye kaa ndâ i ꞌdáá gî á mí ꞌbì ye gî. ꞌBí ꞌduù gbaànjé mbe ꞌdi gbí ꞌViì mì lo muu to tí nó wálá, à káa wò tí Bu ye. ꞌBí ꞌduù gbaànjé delè mbe ꞌdi gbí lo tí Bu ye á muu to tí nó wálá, à káa ye tí ꞌViì mì lo, giì toko mítí ndâ ꞌduù ŋìnó ta go bà tùbà tí lo ji ndú tí ꞌViì mì lo nô.

Ndâ tú mì Jòvánì mâ giì ya gí bà ꞌvee Jézù go co tí nò náa Jòvánì tuu ta ndú nò, Jézù giì ꞌvìsì có ji ndú, máa, «Yo dele ndi yo ya gí bà dìtà ndâ có ŋìnó náa yo ꞌdi ta tù yo nó, ta ndâ i ŋìnó náa yo ŋò ta ṛo yo nó ji Jòvánì: Ndâ ꞌduù ŋìnó táánò náa ṛo ndú yoo gî nó, kpónó kû zekeꞌo. Ndâ ꞌduù ŋìnó táánò ta kò ndú mbe gbeleꞌve gî nó, kpónó kû nò nó. Ndâ kà cì kpónó yuku ꞌdáá ꞌdo tí ndâ ꞌduù ŋìnó táánò ta cì tí ndú nó gî. Ndâ ꞌduù ŋìnó táánò tí ndâ mbe sú tù nó kpónó kû ꞌdi có. Ndâ ꞌduù ŋìnó táánò mbe cì tí yú ku gî nó, ꞌvala ndi ndú gî. À kû ma Banga-Ngú-Có ji ndâ yê.

Má énò, ndâ ꞌduù ŋìnó ta tù bà ꞌdi có tí muu ndú nó ꞌví ꞌdi có!