Versets bíblics populars de LUKA 11

Comparteix

Jaanong, fa lona ba lo leng bosula, lo itse go naya bana ba lona dineo tse di molemo, kana Rraeno wa legodimo o tla naya bone ba ba mo kopang Mowa o o Boitshepo bogolo jang!”

“Le gona ke lo raya ke re: “Kopang, mme lo tla newa; batlang, mme lo tla bona; konyakonyang, mme lo tla bulelwa.

“Gonne mongwe le mongwe yo o kopang o a amogela, le yo o batlang o a bona, le yo o konyakonyang o tla bulelwa.

Jesu a ba raya a re: “E re fa lo rapela, lo re: “ ‘Rraarona, yo o kwa magodimong; leina la gago a le itshepisiwe; puso ya gago a e tle; thato ya gago a e dirafale mo lefatsheng jaaka kwa legodimong.

O re itshwarele melato ya rona, jaaka le rona re itshwarela ba ba melato le rona. O se re gogele mo thaelong; mme o re golole mo bosuleng.’ ”

O re fe kajeno sejo sa rona sa letsatsi.

Lobone lwa mmele ke leitlho la gago. Fa leitlho la gago le siame, mmele otlhe wa gago le ona o tletse lesedi; mme fa le fokola, mmele wa gago le ona o tletse lefifi.

“Ga go ope yo e a reng a tshubile lobone, a lo bee mo go fitlhegileng, le fa e le ka fa tlase ga seelo, mme o lo baya mo setlhomong, gore ba ba tsenang ba bone lesedi.