Versets bíblics populars de Johan 12

Comparteix

Kai üng mawsawng sa he ngai dylä kai leithung hui hethang kae. Kai awng te mityng-a lä kai üng mawsawng la awng by ai. Kai üng mawsawng na tea lä, Kai üng Pä-ai ma tämö mäsang vi ai.

Khimi lawngtä lä, äma üng hing saite tea bälung aevaw dylä äni lä pra vi ai. Hini älawng qawng-a, mä-ai ma üng hing te tea mäsai y saite na lä, dungtäsa hing saite dang ai.

Tängai ö. Caw mö lä älawng qawng-a aeqa ea aekaw y dylä mötä xyng awng he kae vi. Caw mö lä aekaw kha aepra dylä äthai awng mang-a aethai vi ai.

Kai tea yng saite angxynlyng na lä, käving thung-a awng y hethang kai lä kaevang-a aelawng kha älawng qawng-a cäqa te dy.

Kai thui saite älo thai ea tängai y te khimi ce tea kai lä tärae cei he y. Älawngpre üng khimi na tea tärae cei hethang kai ly te y. Älawngpre üng khimi na bung aeqang hethang kai ly te kae.

Tukha Maeri lä ävang ting phi saite rimui pilangtä süng kha ly pa. Honi rimui lä nadu näsaite üng sa te vi. Isu üng äkho-a honi rimui tui kälo kha äma üng äsang hai mai pa vi. Honi rimui tui üng ämui lä engthung khaw-a awng saite khimi angxynlyng na thai pa vi dy.

Äni ce lä cangrang cangpre na süng kha “Hosana näkha Säthaw tea bälaw ö si. Areng üng ämüng hai ly saite lawngtä tea Säthaw ma tähang kähawi py sy. Isrelae khimi na üng sanphrang lä tähang hawi te awng sy” näkha a ea Isu bung lady pa ö dy.

Isu ma “Kai, Khimi üng Cäpaw, üng phung-ang aetüng hethang kätü lä tyng dy.