Versets bíblics populars de Luka 24

Comparteix

Üngai ma mätaw he aedo saite Muilaw Käcai bung nang ce tea kai mätaw ai mang. Tungaila Säthaw üng haidae nang ce dang y rytä lä hini Jerusalem märü-a aering ö re ba” näpa.

Äni lä hini mityng-a awng y dy. Aetha haile tyng vi dy ecy. Äni ma nang ce hai mangtä Kalile khö-a awng te thüng-a thui saite lo na aedawng haile tyng ö baw.

Isu lä änini hai mangtä bö aw te kätü-a lä täkaw la ea Säthaw tea kawng te lo thui kha täkaw täpe ea änini tähang py pa. Honi kätü-a Säthaw lä änini üng ämi tea aevang haisy kha Isu vi näte änini lä mae hawi raw pa vi dy. Tudylä Isu la änini teng üng laja pa vi dy. Tupyng-a änini lä “lolang säla-a äni ma mä-ai ni tea älo thui kha Caekäcai lo na thui mäcai te kätü-a mä-ai ni lä tengxyng y kawng te y mei” näkha aethui hawi dy.

Isu ma äni ce tea “Mosi üng Ubädi-a kai phüng thui saite lä hikä hei. Mesia lä mätang kha dü vi ai. Tupyng-a ämäthung käni-a lä kädü thung üngta hing haile tyng vi ai. Hini angthang lä Mesia üng aenae hai-a pre qütä awng saite khimi na tea thui ai. Ae-ui saite khimi na tea lä Säthaw ma hunghö bälawi pa vi ai. Äni ce lä hini angthang tea Jerusalem märü üng hai aetawng kha thui ö vi ai.

Äni ce tyng te kätü-a lä täprawng khaw thokhae üng kälung käleng aethuija te nung ö vi dy. Tungaila äthung-a kung ea lä Areng Isu üng äro lä äni ce nung ö y mäse vi dy.