Versets bíblics populars de Yohana 15

Comparteix

Ta! ɗa mu luwuŋ zi vin, tiki ɗa ki ɗi tini luwuŋ, ni n'a na war bonu gaya, na ta gaini ni lai ɗa aga a wa ali viya, buri ɓa gaya ta kai ɗa ki kiɗi ki zi wala ktai kai.

Simni warni bonu gaya maini na ta, m'aŋ warni bonu gaiki nɵa. Tini luwuŋ a kiɗa a wa ali gaini midini dama kai, na ɓa aŋ gaini pi sini luwuŋ zi vin tiɓ kai ɗa. Tiki nɵa lai, na ɓa ki simni warni bonu gaya kai ɗa ki wi ali kaalai.

Na ɓa ki ɗa war bonu gaya, seŋŋa a sumna warki lai ɗa, na ki firiyiŋ paŋ ɗa, zilbiŋ aga a sa siki.

Ki viriŋa ki ɗi tiki kai, mu viriki ɗa mu ta, mu miliki ca ca ɓa kapai ki hili ki wi ali, ali na ki wiŋ ɗa ɗe a sumna haa lai, kapai Api a siki wala paŋ na ki zilbiŋ miɗini war yiyiŋa.

Diri n'abai n'a suwa hanɗa aŋ kai, na ɓa ɗif a sa suŋfani edi buriɗi marmakaini.

Tini luwuŋ n'aŋ sa paŋ, n'a wa ali kai ɗa a bulaŋ edi, tini n'a wa ali paŋ ɗa a zizinaŋ, a cawa tini na maafanai ɗa edi kapai a wa ali a suwa pra.

Gadai na wiya a na maini nɵa: Ki diri arbaɗi marki maini na ta mu diriki ɗa nɵa.

Apa aga a nava kol war na ɓa, ki wi ali viya, ki zi aŋ ɗai zi hitri viya lai.

Ta mu luwuŋ zi vin na jre, Apa epini vowai zi luwuŋ zi vin.

Na ɓa ɗif aŋ war bonu gaya kai ɗa, aga a bla edi maini tini luwuŋ nɵa, aga a huula lai ɗif a na wara kai, ni a bula edi maini tini luwuŋ nɵa, a hula edi lai. Ɗai e tipi tini luwuŋ amai, e miliŋ arni afu, a ya edi lai.

Mu midiki nɵa ɓa kapai firiyi na wiya a sumna warki, kapai firiyi na wiiki a va amai lai.

Na ɓa ki yimi gadaiŋa li ɗa, aga ki simni war diri na wiya maini na ta mu yima gadai na wiini Apa mu sumna war diri na wiini lai nɵa.

Gadai na mu siŋki ɗa ɓa, ki diri arbaɗi marki.

Na ɓa ki ɗi fu ɗaiɗi yai ɗa, ɗai na yai ɗa, aga e zi marmai gaiki, buri ɓa ki ɗi na wiiɗi, na ɓa ɗai na yai e bili gaw siki, a za nɵa buri ɓa ki ɗi ɗaiɗi yai kai, paŋ ktai ta mu viriki edi arbaɗi ɗai na yai ɗa par.