Versets bíblics populars de INṬANNA 8

Comparteix

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih. Hnuoi um sûng po bu tu le bu lâk, khaw dei le khaw lum, nipui le phalbi le, sûn le zân dâm hi bo naw nih,” a ta.

Chun, Noa chun LALPA ta dingin maichâm a siem a; chun, sa thieng tinrêng laia mi le, vate thieng tinrêng laia mi a lâk a, maichâma chun pumrawhmang thilinhlânhai ân hlân ta a.

Chun, Pathienin Noa le lawnga a kuoma thilhring tinrêng le ran um po po chu a hriet zing a; chun Pathienin hnuoi chunga hin thli ân hrângtir a, chuongchun, tui chu a hung kang ṭan ta a

vaṭhu chu zântieng chun a kuomah a hung lût nâwk a; chun, ngai ta, oliv hna suktlawng hlim a hmûra chun a hung put a: chuongchun, Noa chun hnuoiah tui a tlâwm tah ti a hriet a.