Versets bíblics populars de लू‍कस 13

Comparteix

“हाँ, औंगे सकुड़ बली ती मेर्ख़ा कोर'आ गे चिहुट नना, ऎन निमन ब'अदन, बग्‍गे आलर गा कोर'आ बेद्दोर, लिकिन कोर'आ पोल्‍लोर।

अरा ओन्‍टा मुक्‍का अइय्या रहचा। आद पयहा ननू मलदौ बॊलता ती अठारा चाँन ख़ड़दकी रहचा। अरा आद कुबरी मंजकी रहचा, अरा एकन्ने ती हूँ सोज मना पोल्‍ला लगिया। येसुस अदिन ईरयस ती मीख़ियस अरा अदिन बाचस, “अनय आली, नीन निंग्‍है रोगे ती उजगार'अय।”

अरा आस अदही म‍इय्याँ तंग्‍है ख़ेक्खा उइय्यस, ख़ने आद लेथेम उजगारा केरा, अरा धर्मेसी ओहमा नना हेलरा।

अरा ऎरा, नॆ अक्‍कु किइय्या पद नू र'अनर आर आ बारी नू कोहाँ पद नू नन्‍तार'ओर, अरा नॆ अक्‍कु कोहाँ पद नू र'अनर आर आ बारी नू किइय्या पद नू नन्‍तार'ओर।”

एकाबारी एड़पा ता उर्बस चो'अदस ती बलिन मुच्‍चदस। ख़ने नीम बहरी इज्‍जदर ती एन्‍ने ब'अनुम बलिन ठोक ठोकम ब'अदर ‘अना उर्बायो, एमा गे बलिन तिसग'आ।’ आस निमन आना किर्त'ओस, ‘ऎन निमन बलदन एसला हिकदर?’

ऎन निमन ब'अदन, एन्ने मला, लिकिन नीम जियन मल किर्त'ओर होले नीम ओर्मर एन्नेम नास मनोर।”

लिकिन आस आना किर्त'ओस, ‘ऎन निमन ब'अदन, ऎन निमन बलदन नीम एसते बरचकर। मलदौ नलख ननू आलारो, नीम एंग्‍है गुसते बोंगा।’

तहाँ येसुस बाचस, “धर्मेसी राजी नू बग्‍गे आलर बढरना एन्‍देर लेक्‍खा र'ई, अरा अदिन ऎन एन्‍देर गने जोक्‍ख'ओन? आद राई बिहनी लेक्‍खा र'ई। अदिन ओर्त आलस होच्‍चस ती तंग्‍है बटकी नू चाँख़स। अरा आद परदिया ती कोहाँ मन्न मंजा, अरा मेर्ख़ा ता ऒड़ा गुट्ठी अदही डाड़ा नू खोता अट्टिया।”