Versets bíblics populars de LUKE 12

Comparteix

Nou leng mansa in om un, na gintak louh dak un Mihing Tapa a hongpai ding hi” a chi hi.

Himahleh Pathian kumpi gam zong zaw un, huchi in huai thilte leng a honpiak behlap ding hi.

A kiang uah, “Pilvang unla, enna lak ah kiveng un; hauhna mihing damsan ahi kei hi” a chi hi.

Na gou omna peuh ua na lungtang uh leng a om ding ziak in.

Huan nou lak ah lunghimawh ziak a kua in ahia amah dunglam tong khat a hihsang thei tuan?

Huan a nungzuite kiang ah, “Huaiziak in k’on hilh ahi, bang ka ne diam aw? chi in, na hinna thu uh leh, bang silh in ka teng diam aw? chi in, na sapum thu uh lunghimawh kei un.

Na luzang ua samzangte nangawn leng simvek ahi uh. Lau kei un; kawlgit tampi sang in na manpha zaw uhi.

“Pawltawmte aw, lau kei un; nou kiang a gam piak ding na Pa uh kipahlam tak ahi.

Va-akte ngaihtuah dih uh, buh a tuh kei ua, a at sam kei uh; buhpang leh buhin leng a neikei uh; himahleh Pathian in amau a vak hi; noute vasate sang a manpha zaw na hi uhi.

Huan na nekding uh, na dawn ding uh, zong kei un; ginglel in leng omsam kei un.

Huchi in gamlak loupa tuni a hing a, a zing a thuk a khul nawn mai ding bawn Pathian in hichitel a a zep leh, aw, nou mi gintawmte, huaite sang in puansilh honpe zaw natel in chia!

Langlou ding a selguk bangmah a omkei a; theihlouh ding a im leng bangmah a omsam kei hi.