Versets bíblics populars de བཀོད་པ། 1

Comparteix

དེ་ནས་ཡང་དཀོན་མཆོག་གིས་འདི་སྐད༌དུ། ངེད་ཅག་གིས་རང་གི་སྣང་བརྙན༌ལྟར། ངེད་ཅག་དང་མཚུངས་པའི་མིའི་རིགས་བསྐྲུན་པར༌བྱའོ། །དེ་དག་གིས་རྒྱ་མཚོའི་ཉ་རྣམས༌དང༌། ནམ་མཁའི༌བྱ། ཕྱུགས༌ཟོག ས་གཞི༌ཡོངས། ས་སྟེང་གི་ལྟོ་འགྲོ་དང་འབུ་སྲིན་ཐམས་ཅད་ལ་དབང་བྱེད་པར་གྱུར་ཅིག་ཅེས་གསུངས༌སོ།། དཀོན་མཆོག་གིས་རང་གི་སྣང་བརྙན་ལྟར་མིའི་རིགས་བསྐྲུན་པར་མཛད༌ཅིང༌། དེ་ནི་དཀོན་མཆོག་ཉིད་ཀྱི་སྣང་བརྙན་བཞིན་ཕོ་མོ་གཉིས་སུ་མཛད༌དོ།།

དཀོན་མཆོག་གིས་དེ་གཉིས་ལ་བྱིན་གྱིས་བརླབས་ཏེ་འདི་སྐད༌དུ། ཁྱོད་རྣམས་རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་ས་གཞིར་གང་བར་བྱོས༌ཤིག ཡང་ས་གཞིར་དབང་བསྒྱུར་བ་དང་རྒྱ་མཚོའི་ཉ༌དང༌། ནམ་མཁའི༌བྱ། ས་ཐོག་ཏུ་རྒྱུ་བའི་སྲོག་ཆགས་ཀུན་ལའང་དབང་བྱེད་པར་གྱིས་ཞེས་གསུངས༌སོ།།

ཐོག་མར་དཀོན་མཆོག་གིས་ནམ་མཁའ་དང་ས་གཞི་གསར་དུ་བཀོད་པ་ལགས༌སོ།།

ས་གཞི་ནི་སྟོངས་ཤིང་གོ་རིམ་མེད་པ་དང་མཚོ་ཆེན་པོའི་ངོས་སུ་མུན་ནག་གིས་ཁེབས༌ཤིང༌། དཀོན་མཆོག་གི་ཐུགས་ཉིད་མཚོའི་ངོས་སུ་ཕར་ཚུར༌རྒྱུའོ།།

དེ་ནས་དཀོན་མཆོག་གིས་འདི་སྐད༌དུ། འོད་ཡོད་པར་གྱུར་ཅིག་ཅེས་གསུངས་པ་དང་འོད་བྱུང༌ངོ༌།།

དེ་ནས་དཀོན་མཆོག་གིས་རང་ཉིད་ཀྱིས་ཇི་བཞིན་མཛད་པ་ཐམས་ཅད་ལ་གཟིགས་ཤིང་དེ་ནི་ཤིན་ཏུ་ལེགས་པར་དགོངས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་དྲུག༌པའོ།།

ཁོང་གིས་འོད་ནི་ལེགས་པར་དགོངས་ཏེ་འོད་དང་མུན་པའི་དབྱེ་བ༌ཕྱེས་སོ།།

དེ་ནས་ཡང་དཀོན་མཆོག་གིས་འདི་སྐད༌དུ། ལྟོས༌དང༌། བདག་གིས་ས་སྟེང་དུ་ས་བོན་བསྐྱེད་པའི་སྔོ་ཚལ་དང་ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་ཁྱོད་ཅག་ལ་ཟས་སུ་སྦྱིན་པ་ཡིན༌ནོ།།

ཁོང་གིས་འོད་ལ་ཉིན་མོ་ཞེས་བཏགས་པ༌དང༌། མུན་པར་མཚན་མོ་ཞེས་མིང་བཏགས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་དང༌པོའོ།།

དེ་ནས་ཡང་དཀོན་མཆོག་གིས་འདི་སྐད༌དུ། ཆུའི་བར་དུ་དབྱིངས་དང་ལྡན་པར་གྱུར་ནས་ཆུ་དང་ཆུའི་བར་མཚམས་ཕྱེས་ཤིག་ཅེས་གསུངས་པ༌དང༌།

ཡང་ས་སྟེང་གི་དུད་འགྲོ་ཐམས་ཅད༌དང༌། ནམ་མཁའི་བྱ་མཐའ་དག༌དང༌། ས་ཐོག་ཏུ་རྒྱུ་བའི་སྲོག་ལྡན་ཡོངས་ལ་སྔོ་རིགས་ཟས་སུ་སྦྱིན་ནོ་ཞེས་གསུངས་པ་དང་དེ་བཞིན་དུ་བྱུང༌ངོ༌།།

དེ་ནས་ཡང་དཀོན་མཆོག་གིས་འདི་སྐད༌དུ། ཉིན་མོ་དང་མཚན་མོ་འབྱེད་པའི་ཕྱིར་ནམ་མཁའི་དབྱིངས་སུ་འོད་ཀྱི་ཕུང་པོ་རྣམས་ཡོད་པར་གྱུར༌ཅིག དེ་ནི་དུས་ཚིགས༌དང༌། ཉིན༌མོ། ལོ་ཟླའི་རྟགས་སུ་འགྱུར་བ༌དང༌།

ཡང་དཀོན་མཆོག་གིས་འདི་སྐད༌དུ། ས་ལས་སྔོ་རིགས༌ཏེ། ས་བོན་བསྐྱེད་པའི་སྔོ་ཚལ༌དང༌། ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་རང་རང་གི་རིགས་བཞིན་དུ་སྐྱེ་བར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།།

ཁོང་གིས་དབྱིངས་མཛད༌དེ། དབྱིངས་ཀྱི་གོང་དུ་ཡོད་པའི་ཆུ་དང་དབྱིངས་ཀྱི་འོག་ཏུ་ཡོད་པའི་ཆུ་གཉིས་སོ་སོར་ཕྱེས་ནས་དེ་བཞིན་དུ་བྱུང༌ངོ༌།།

དེ་ནས་ས་ལས་སྔོ་རིགས༌ཏེ། རང་རང་གི་རིགས་བཞིན་དུ་ས་བོན་བསྐྱེད་པའི་སྔོ་ཚལ༌དང༌། ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་རང་རང་གི་རིགས་བཞིན་དུ་སྐྱེས་པར་གྱུར༌ཏོ། །ཁོང་གིས་དེ་ནི་ལེགས་པར་དགོངས༌སོ།།

དེ་ནས་ཁོང་གིས་འོད་ཆེན་པོ་གཉིས་མཛད༌ཅིང༌། དེ་ནི་འོད་ཆེན་པོས་ཉིན་མོ་ལ་དབང་བྱེད་པ༌དང༌། འོད་ཆུང་བས་མཚན་མོ་ལ་དབང་བྱེད་པའི་ཕྱིར་ཡིན༌ཞིང༌། ཡང་སྐར་མ་རྣམས་ཀྱང་མཛད༌དོ།།

དེ་ནས་ཡང་དཀོན་མཆོག་གིས་འདི་སྐད༌དུ། ནམ་མཁའི་འོག་ཏུ་ཡོད་པའི་ཆུ་རྣམས་གནས་གཅིག་ཏུ་འདུས་ཏེ་སྐམ་ས་མངོན་པར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།། དཀོན་མཆོག་གིས་སྐམ་སའི་མིང་ལ་ས་གཞི་ཞེས་བཏགས་པ༌དང༌། ཆུ་རྣམས་ལྷན་དུ་འདུས་པ་ལ་རྒྱ་མཚོ་ཞེས་མིང་བཏགས༌ཤིང༌། ཁོང་གིས་དེ་ནི་ལེགས་པར་དགོངས༌སོ།།

ཡང་དཀོན་མཆོག་གིས་དེ་དག་ལ་བྱིན་གྱིས་བརླབས་ཏེ་འདི་སྐད༌དུ། རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་རྒྱ་མཚོའི་ཆུ་ལ་གང་བར་གྱིས༌དང༌། འདབ་ཆགས་རྣམས་ཀྱང་ས་ལ་འཕེལ་བར་གྱུར་ཅིག་ཅེས་གསུངས༌སོ།།

དེ་ནས་ཡང་དཀོན་མཆོག་གིས་འདི་སྐད༌དུ། ས་གཞིའི་སྟེང་དུ་རང་རང་གི་རིགས་བཞིན་དུ་སྲོག་ལྡན་ཏེ་ཕྱུགས་ཟོག༌དང༌། ལྟོ་འགྲོ་དང་འབུ༌སྲིན། རི་དྭགས་རྣམས་སྐྱེ་བར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།།

དེ་ནས་ཡང་དཀོན་མཆོག་གིས་འདི་སྐད༌དུ། ཆུའི་ནང་དུ་སྲོག་དང་ལྡན་པའི་སེམས་ཅན་ཧ་ཅང་མང་དུ་འབྱུང་བ༌དང༌། འདབ་ཆགས་རྣམས་ས་སྟེང་གི་བར་སྣང་དུ་ཕུར་ཅིག་ཅེས་གསུངས༌ཏེ།

དཀོན་མཆོག་གིས་རི་དྭགས༌དང༌། ཕྱུགས༌ཟོག ས་སྟེང་གི་ལྟོ་འགྲོ་དང་འབུ་སྲིན་ཐམས་ཅད་རང་རང་གི་རིགས་བཞིན་དུ་བཀོད་པར་མཛད༌ཅིང༌། དཀོན་མཆོག་གིས་དེ་ནི་ལེགས་པར་དགོངས༌སོ།།