Versets bíblics populars de JOHAN 12

Comparteix

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

Âuzawng a nungnâk unhtu nih chun a thlâu tâwn; âuzawng hi laikulh ah hin a nungnâk siarlotu nih chun zungzâl nungnâk a kil kumza lai.

Thungâi tak hen ka nan simh na, fâng mal tual ah a tlâ hen, a thi lo chun, amah lâwng hen a um kumza tâwn; a thi lam chun tam tak hen a rah tâwn.

Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

Âuzawng ka thusim theih hen, ngâilo sele; kei nih a lâi ka rêl lo; laikulh lâirêl ding hen hawng kal kasi lo le, laikulh ruangsuah ding hen hawng kal kasi dauh.

Chun Mari nih Litra khat spiknard sariak rimthâw man har tak a hawng put le, Jisu kê tla a chulh le, a sam hen a kê tla chu a nâwt; chun, chu sariak rim hen chun in chu a khat phak.

Tûmkâu tla an put le, amah dawng ding hen an va suak le, “Hosana, Lalpa min hen Israel Lalchem a hawng kal mi chu a thâw a suak,” ti hen, an âu.

Chun, Jisu nih a sâng le, an sinah, “Minung Fapa chawnglawmh hen a um ding tik chu a tlung rawh.