Versets bíblics populars de JOHAN 15

Comparteix

“Kei grep zûn chu kasi, nannih a ṭeng tla chu nan si. Âuzawng keimah lakah a um kumza hen, kei khawm amah lakah ka um kumzanâk chu, chu chu tam tak hen a rah tâwn; keimah lo hen zeikhawm nan ti kho lo ruangah.

Keimah lakah um kumza u, kei khawm nanmah lakah ka um kumza lai. Ṭeng chu grep zûn ah a um kumza lo chun amah lung hen a rah kho lo hâwi hen, nannih khawm keimah lakah nan um kumza lo chun, nan rah kho lai loh.

Nannih keimah lakah nan um kumza hen, ka thu nanmah lakah a um kumza chun, nan duh mi zawng deih u, nan rangah ti hen a um vima lai.

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

Minung nih a hâwi ruangrûl ah a nungnâk a pêk nûn lêm ah dâwtnâk fâk dauh âukhawm nih an nei lo.

Keimah lakah mi ṭeng rah lo mi vial a lawnh tâwn; a rah mi vial a thenhlimhtir tâwn, a rah tam khunnâk ding hen.

Hi hi ka thupêk asi: Kei nih ka nan dâwt na hâwi ber hen, nannih khawm a dâwt u.

Hi ruang hin ka Pa chu chawnglawmh hen a um tâwn, tam tak nan rahnâk takah hin; chuvachun ka ṭhiruai tla nan si lai.

“Kei grep zûn tatak kasi, ka Pa chu dûm zauhkhenhtu asi.

Mi keimah lakah a um kumza lo chun, ṭeng hâwi hen lawnh hen a um le, a uai tâwn; chun, an khawmh le, mei ah an paih le, a kâng tâwn.

“Ka lâwmnâk nanmah lakah a um kumzanâk ding hen leh nan lâwmnâk a rangtling khonâk ding hen, hi bang thu hi nan sinah ka sim rawh hi.

Nannih nih ka thupêk tla nan zâwt chun ka dâwtnâk ah nan um kumza lai; kei nih ka Pa thupêk tla ka zâwt le, a dâwtnâk ah ka um kumza hâwi hen

Nanna dâwt khonâk ding hen hi bang thu hi ka nan pêk na.

Nannih laikulh mi si ule, laikulh nih amah minung a dâwt ding asi; laikulh mi nan si lo le, laikulh ah mi ka nan thîm na ruangah, laikulh nih an hua na asi.